آسٹریلیا کرکٹ ٹیم کے کپتان پیٹ کمنس کے انٹرنیشنل کرکٹ کونسل (آئی سی سی) چمپئن ٹرافی سے باہر ہونے کا امکان ہے۔ پیٹ کمنس ٹخنے کی تکلیف کا شکار ہیں تاحال انہوں نے بولنگ شروع نہیں کی، ان کی غیر موجودگی میں سری لنکا کے خلاف جاری ٹیسٹ سیریز میں اسٹیو اسمتھ کپتانی کر رہے ہیں۔

آسٹریلیا کرکٹ ٹیم کے کپتان پیٹ کمنس کے انٹرنیشنل کرکٹ کونسل (آئی سی سی) چمپئن ٹرافی سے باہر ہونے کا امکان ہے۔ پیٹ کمنس ٹخنے کی تکلیف کا شکار ہیں تاحال انہوں نے بولنگ شروع نہیں کی، ان کی غیر موجودگی میں سری لنکا کے خلاف جاری ٹیسٹ سیریز میں اسٹیو اسمتھ کپتانی کر رہے ہیں۔
 آسٹریلوی ہیڈ کوچ اینڈریو میکڈونالڈ نے شدید خدشے کا اظہار کر دیا اور کپتانی کے لئے ٹریوس ہیڈ اور اسٹیو اسمتھ سے بات چیت کی بھی تصدیق کر دی۔ اینڈریو میکڈونالڈ کا کہنا ہے کہ پیٹ کمنس نے ابھی بولنگ کا آغاز نہیں کیا ہے، ان کی انجری کی وجہ سے چمپئن  ٹرافی سے باہر ہونے کا قوی امکان ہے۔ انہوں نے کہا کہ پیٹ کمنس کی غیرموجودگی میں ہمیں نئے کپتان کی ضرورت ہو گی، اسٹیو اسمتھ اور ٹریوس ہیڈ کے ساتھ کپتانی پر بات چیت چل رہی ہے۔
 آسٹریلوی ٹیم کے ہیڈ کوچ کا کہنا ہے کہ آئندہ چند روز میں میڈیکل رپورٹس آنے کے بعد صورتِ حال واضح ہو گی۔ آسٹریلوی ون ڈے اسکواڈ جمعرات کو دورۂ سری لنکا کے لیے روانہ ہو گا، پیٹ کمنس اسکواڈ کے ہمراہ سری لنکا نہیں جائیں گے۔ یاد رہے کہ آل راؤنڈر مشیل  مارش   پہلے ہی  چمپئن  ٹرافی سے باہر ہو چکے ہیں۔