سخت مقابلے میں اسپینی کھلاڑی نے امریکی کھلاڑی کو ۵؍سیٹو ںمیں ٹورنامنٹ سے باہر کردیا۔
EPAPER
Updated: July 07, 2024, 11:59 AM IST | Agency | London
سخت مقابلے میں اسپینی کھلاڑی نے امریکی کھلاڑی کو ۵؍سیٹو ںمیں ٹورنامنٹ سے باہر کردیا۔
دفاعی چمپئن کارلوس الکاراز ومبلڈن کے راؤنڈ آف ۱۶؍ میں پہنچ گئے ہیں۔ انہوں نے جمعہ کو آل انگلینڈ لان ٹینس اینڈ کروکٹ کلب میں کھیلے جانے والے میچ میں امریکی کھلاڑی فرانسس ٹیافو کو۷۔ ۵، ۲۔ ۶، ۶۔ ۴، ۶۔ ۷، ۲۔ ۶؍سے شکست دی۔ ان کے علاوہ جسمین پاؤلینی، کوکو گف اور ایما راڈوکانو بھی پری کوارٹر فائنل میں پہنچنے میں کامیاب رہیں۔
ٹیافو نے الکاراز کو سخت مقابلہ دیا۔ الکاراز نے پہلا اور تیسرا سیٹ اپنے حق میں کرکے مشکل میں ڈال دیا۔ انہوں نے پہلا سیٹ۵۔ ۷؍ سے جیت لیا تھا۔ اسپینی کھلاڑی الکاراز نے دوسرے سیٹ میں اچھا مقابلہ کرتے ہوئے ۲۔ ۶؍ سے کامیابی حاصل کرلی۔ اس کے بعد ٹیافو نے تیسرا سیٹ جیت کر الکاراز کو مشکل میں ڈال دیا۔ الکاراز ایک بار پھر واپس آئے اور چوتھا اور پانچواں سیٹ جیت کر میچ جیت لیا۔ راؤنڈ آف۱۶؍ میں اسپینی کھلاڑی کا مقابلہ امریکہ کے برینڈن ناکشیما یا فرانس کے یوگو ہمبرٹ سے ہوگا۔ میچ کے بعد الکاراز نے کہاکہ راؤنڈآف ۱۶؍ میں پہنچ کر بہت خوشی ہورہی ہے۔ میری کوشش یہی ہے کہ میں اپنے خطاب کا دفاع کروں۔
دوسری طرف خواتین کے سنگلز زمرے میں جسمین پاؤلینی، کوکو گف اور ایما راڈوکانو بھی پری کوارٹر فائنل میں پہنچ گئیں۔ ویمنز سنگلز میں فرنچ اوپن کی رنر اپ اور ساتویں سیڈیافتہ جسمین پاؤلینی نے کنیڈا کی بیانکا اینڈریسکو کو ۶۔ ۷، ۱۔ ۶؍ کے اسکور سے شکست دے کر راؤنڈ آف۱۶؍ میں رسائی کی۔ اسپین کی پاؤلا بدوسا نے۱۴؍ ویں سیڈ روسی ڈاریہ کساتکینا کو۶۔ ۷، ۶۔ ۴، ۴۔ ۶؍ سے شکست دی۔ انہوں نے سونے کارٹیل کو ۴۔ ۶، ۰۔ ۶؍ سے شکست دے دی۔ دریں اثنا، سابق یو ایس اوپن چمپئن اور مقامی وائلڈ کارڈ ایما راڈوکانو نے نویں سیڈ ماریا ساکاری کو۲۔ ۶، ۳۔ ۶؍سے شکست دی۔