ہندوستان کے سابق کوچ روی شاستری نےپیش گوئی کی ہے کہ ہندوستان کی جیت میں وراٹ کوہلی اور نیوزی لینڈ کی جیت میں کین ولیمسن اور راچن رویندر کا کردار اہم ہو سکتا ہے۔

ہندوستان کے سابق کوچ روی شاستری نے آئی سی سی مردوں کے چمپئن ٹرافی۲۰۲۵ء کے فائنل میں ہندوستان اور نیوزی لینڈ کے امکانات کو برابر قرار رکھتے ہوئے پیش گوئی کی ہے کہ ہندوستان کی جیت میں وراٹ کوہلی اور نیوزی لینڈ کی جیت میں کین ولیمسن اور راچن رویندر کا کردار اہم ہو سکتا ہے۔ میچ کے موقع پر آئی سی سی ریویو کے ایک خصوصی ایڈیشن میں، شاستری نے اہم مقابلے سے قبل پیش گوئی کرتے ہوئے کہا کہ ’’اگر ان کی متعلقہ ٹیمیں خطاب جیت جاتی ہیں تو وراٹ کوہلی، کین ولیمسن اور راچن رویندراتوار کو اہم کردار ادا کریں گے۔ ولیمسن اور کوہلی شاندار فارم میں ہیں، انہوں نے ۴؍ میچوں میں نصف سنچری اور ایک ایک سنچری اسکور کی ہے۔ رویندر بھی زبردست فارم میں ہیں، اب تک ان کے نام دو سنچریاں ہیں، جن میں سیمی فائنل میں جنوبی افریقہ کے خلاف پلیئر آف دی میچ جیتنے والی سنچری بھی شامل ہے۔ ‘‘انہوں نے کہا کہ ’’جب ولیمسن یا کوہلی فارم میں ہوتے ہیں توسامنے والی ٹیم کے لئے خطرناک ثابت ہو جاتے ہیں۔ ‘‘