بیجنگ کے ہارڈ کورٹ پر خطاب جیت کر الکاراز سیریز کی تاریخ میں ۲۰۰۹ء کے بعد پہلے کھلاڑی بن گئے ہیں جنہوں نے تینوں سطح ( ہارڈ کورٹ، کلے اور گھاس) پر اے ٹی پی۔ ۵۰۰؍کا خطاب جیتا ہے۔

عالمی نمبر ۲؍ کھلاڑی کارلوس الکاراز نے گزشتہ روز یہاں دفاعی چمپئن اور عالمی نمبر ایک جانک سنر کو شکست دے کر اپنا پہلا چائنا اوپن اے ٹی پی۔ ۵۰۰؍خطاب جیت لیا۔ ہسپانوی کھلاڑی نے ایک سیٹ گنوانے کے بعد شاندارواپسی کرتے ہوئے دنیا کے نمبر ایک اطالوی کھلاڑی کے خلاف۷۔ ۶، ۴۔ ۶، ۶۔ ۷؍ سے کامیابی حاصل کی۔ بیجنگ کے ہارڈ کورٹ پر خطاب جیت کر الکاراز سیریز کی تاریخ میں ۲۰۰۹ء کے بعد پہلے کھلاڑی بن گئے ہیں جنہوں نے تینوں سطح ( ہارڈ کورٹ، کلے اور گھاس) پر اے ٹی پی۔ ۵۰۰؍کا خطاب جیتا ہے۔ 
میچ کے بعد الکاراز نے سنر کی تعریف کرتے ہوئے کہا کہ ’’وہ اور سنردوسرا گیم جیت سکتے تھے۔ یہ واقعی یہ ایک قریبی مقابلہ تھا۔ جانک نے ایک بار پھر دکھایا کہ وہ دنیا کے بہترین کھلاڑی ہیں، کم از کم میرے لئے۔ وہ جس سطح پر کھیل رہے ہیں وہ ناقابل یقین ہے۔ یہ ٹینس کا بہت اعلیٰ معیار ہے۔ شاٹس، جسمانی اور ذہنی طور پر وہ طاقتور ہیں۔ ‘‘
دریں اثنا ہسپانوی کھلاڑی الکاراز نے جانک سنر کے لگاتار۱۴؍ فتوحات کے سلسلے کو بھی روک دیا۔ الکاراز نے سنر کے خلاف اس سیزن میں اپنے تینوں مقابلوں (انڈین ویلز، رولاں گیروس، بیجنگ اوپن) جیتنے کے بعد اب ان کے خلاف اپنی اے ٹی پی سیریز میں ۴۔ ۶؍ کی برتری حاصل کر لی ہے۔ الکاراز کے پاس اب اس سال سرفہرست۵؍ کھلاڑیوں کے خلاف ۱۔ ۸؍کا ہار جیت کا ریکارڈ ہے۔ ان کی واحد شکست نوواک جوکووچ کے خلاف اولمپکس میں ہوئی تھی۔