رائل چیلنجرز بنگلور کے فاسٹ بولر کرس مورس نے ٹیم کے کپتان وراٹ کوہلی کی تعریف کرتے ہوئے کہا ہے کہ وہ حیرت انگیز بلے باز ہیں۔

 رائل چیلنجرز بنگلور کے فاسٹ بولر کرس مورس نے ٹیم کے کپتان وراٹ کوہلی کی تعریف کرتے ہوئے کہا ہے کہ وہ حیرت انگیز بلے باز ہیں۔ بنگلور نے سنیچر کی رات چنئی سپرکنگز کو۳۷؍ رن سے شکست دی تھی۔ بنگلور نے کپتان وراٹ کے۵۲؍گیندوں پر۹۰؍رن کی ناٹ آؤٹ اننگز کی بدولت۱۶۹؍ رن بنائے جس کے جواب میں چنئی کی ٹیم صرف۱۳۲؍رن بنا سکی۔ آئی پی ایل ۱۳؍ میں اپنا پہلا میچ کھیلتے ہوئے مورس نے اس میچ میں۱۹؍ رن دے کر ۳؍وکٹ  لئے۔ مورس نے کہا کہ ہماری اننگز کے وسط میں ہم نے محسوس کیا کہ ٹیم کو تیزاسکور کرنے کی ضرورت ہے اور وراٹ نے شاندار اننگز کھیلی۔ یہاں کی پچ ٹیسٹ میچ کے وکٹ کی طرح تھا اور آپ کو زیادہ کام کرنے کی ضرورت نہیں تھی ۔ آخر میں پچ سست ہوتی جارہی تھی اور گیند باز بلے بازوں سے زیادہ فائدہ اٹھا رہے تھے۔انہوں نے کہا کہ۱۶؍ اوور کے بعد ہم صرف اپنے اسکور کو بڑھانا چاہتے تھے اور وراٹ نے جس انداز سے اننگز کھیلی اس سے پتہ چلتا ہے کہ وہ آئی پی ایل میں سب سے زیادہ رن بنانے والے کیوں ہیں۔ وہ باصلاحیت بلے باز ہیں اور تجربہ کار بولنگ اٹیک کے سامنے عمدہ کارکردگی کا مظاہرہ کرتے ہیں ۔ وہ اپنے کھیل سے ٹیم کو متحرک کرنا پسند کرتے ہیں۔ مجھے وہ جس طرح اپنا کھیل کھیلتا ہے بہت زیادہ پسند ہے۔ وہ کپتان ہیں جو جیتنا پسند کرتے ہیں اور اس سے ٹیم کی مدد ہوتی ہے۔