ونڈیز نے تیسرا ٹی ۲۰؍ میچ ۸؍وکٹ سے جیتا اور سیریز پر ۰۔ ۳؍ سے قبضہ کیا۔

شائی ہوپ ۴۰؍رن اور نکولس پورن ۳۵؍رن کی شاندار اننگز کی بدولت ویسٹ انڈیز نے بارش سے متاثرہ تیسرے ٹی ۲۰؍ میچ میں جنوبی افریقہ کو ۸؍ وکٹ سے شکست دے کر سیریز۰۔ ۳؍ سے جیت لی۔ 
۱۰۹؍رن کے ہدف کا تعاقب کرنے اتری ویسٹ انڈیز کی شروعات اچھی نہیں رہی اور پہلے ہی اوور میں ایلک ایتھنیز (ایک) کا وکٹ گنوا دیا۔ اس کے بعد شائی ہوپ اور نکولس پورن نے اننگز کو سنبھالا اور تیزی سے رن بنائے۔ شائی ہوپ نے ۲۴؍ گیندوں پر ۴؍ چھکے اور ایک چوکا لگا کر ۴۲؍ رن کی ناقابل شکست اننگز کھیلی۔ نکولس پورن نے۱۳؍ گیندوں پر۴؍ چھکے اور۲؍ چوکے لگاتے ہوئے ۳۵؍رن بنائے۔ شیمرون ہتمائر۱۷؍ گیندوں پر ۴؍ چوکے اور ایک چھکا لگاتے ہوئے ناٹ آؤٹ۳۱؍ رن بنائے۔ ویسٹ انڈیز نے۹ء۲؍ اوورس میں ۲؍ وکٹ کے نقصان پر ۱۱۶؍ رن بنا کر میچ جیت لیا۔ جنوبی افریقہ کی جانب سے بیورن فورٹین اور اوٹنیل بارٹ مین نے ایک ایک بلے باز کو آؤٹ کیا۔ 
اس سے قبل بارش کے باعث کھیل ایک گھنٹہ تاخیر سے شروع ہوا اور اوورس کی تعداد۱۳؍ کر دی گئی۔ ویسٹ انڈیز نے ٹاس جیت کر پہلے گیند بازی کا فیصلہ کیا۔ بیٹنگ کیلئے آنے والی جنوبی افریقہ ٹیم نے مقررہ۱۳؍اوورس میں ۴؍ وکٹوں پر۱۰۸؍رن بنائے۔ جنوبی افریقہ کی شروعات اچھی نہیں رہی اور اس نے پانچویں اوور میں ریزا ہیڈرکس (۹؍رن ) کا وکٹ گنوا دیا۔ جنوبی افریقہ کے لئے ٹرسٹن اسٹبس نے۱۵؍ گیندوں پر ۳؍ چھکوں اور ۵؍ چوکوں کی مدد سے ۴۰؍ رن بنائے۔ کپتان ایڈم مارکرم نے ۱۲؍ گیندوں پر ۲۰؍ اور ریان رکلٹن نے۲۷؍رن بنائے۔ جیسن اسمتھ اور وی مولڈر ایک ایک رن بنا کر ناٹ آؤٹ رہے۔ ویسٹ انڈیز کی جانب سے روماریو شیفرڈ نے ۲؍ وکٹ حاصل کئے۔ میتھیو فورڈ اور عقیل حسین نے ایک ایک بلے باز کو آؤٹ کیا۔