فٹ بال اسٹار کرسٹیانو رونالڈو نے یوٹیوب پر ریکارڈ فالوورز اکٹھا کرنے کے چند ہفتوں بعد نیا ریکارڈ بنایا ہے۔ ان کے تمام سوشل میڈیا فالوورز کی تعداد ایک بلین سے زائد ہوگئی ہے۔ ایسا کرنے والے وہ دنیا کی پہلی شخصیت بن گئے ہیں۔

چند ہفتوں قبل مشہور فٹ بالر کرسٹیانو رونالڈو نے یو ٹیوب پپر اپنا چینل بنا کر کئی ریکارڈ توڑ دیئے تھے، اور اب انہوں نے ایک اور سنگ میل عبور کرلیا ہے۔ وہ دنیا کے پہلے ایسے شخص بن گئے ہیں جن کے سوشل میڈیا فالوورز کی تعداد ایک بلین (ایک راب) سے زائد ہوگئی ہے۔ سعودی عرب کے پرولیگ کلب النصر کے اسٹار کھلاڑی نے گزشتہ سیزن میں سعودی پرو لیگ میں ۳۵؍ گول کے ساتھ ریکارڈ قائم کیا تھا۔ فی الحال کرسٹیانو رونالڈو کے انسٹاگرام پر ۶۳۹؍ ملین فالوورز، فیس بک پر ۱۷۰؍ ملین، ایکس پر ۱۱۳؍ ملین، یوٹیوب پر ۷ء۶۰؍ ملین سبسکرائبرز، کوائیشو پر ۴ء۹؍ ملین اور ویبو پر ۵ء۷؍ ملین فالوورز ہیں۔

We’ve made history — 1 BILLION followers! This is more than just a number - it’s a testament to our shared passion, drive, and love for the game and beyond.

From the streets of Madeira to the biggest stages in the world, I’ve always played for my family and for you, and now 1… pic.twitter.com/kZKo803rJo

— Cristiano Ronaldo (@Cristiano) September 12, 2024

کرسٹیانو رونالڈو نے ایکس پر لکھا کہ ’’ ایک بلین فالوورز! ہم نے تاریخ رقم کردی۔ یہ صرف ایک نمبر نہیں ہے بلکہ ہمارے مشترکہ جذبے، اور کھیل اور اس سے بھی آگے کی محبت کا ثبوت ہے۔ مڈیرا کی گلیوں سے لے کر دنیا کے سب سے بڑے مراحل تک، میں نے ہمیشہ اپنے خاندان اور آپ کیلئے کھیلا ہے، اور اب ہم ایک بلین ایک ساتھ کھڑے ہیں۔آپ ہر بلندی اور ہر پستی میں میرے ساتھ رہے۔ یہ ہمارا سفر ہے، اور ہم نے مل کر یہ ثابت کردیا ہے کہ جو کچھ ہم حاصل کر سکتے ہیں اس کی کوئی حد نہیں ہے۔مجھ پر یقین کرنے، آپ کی حمایت کیلئے، اور میری زندگی کا حصہ بننے کیلئے آپ کا شکریہ۔ بہترین ابھی آنا باقی ہے، اور ہم مل کر آگے بڑھیں گے، جیتیں گے اور تاریخ رقم کریں گے۔‘‘