لکھنؤ سپر جائنٹس نے اتوار کو انڈین پریمیر لیگ۲۰۲۵ء سیزن کی نیلامی میں ہندوستانی ٹیم کے وکٹ کیپر بلے باز رشبھ پنت کو ۲۷؍ کروڑ روپے کی سب سے زیادہ بولی لگا کر خریدا۔

لکھنؤ سپر جائنٹس نے اتوار کو انڈین پریمیر لیگ۲۰۲۵ء سیزن کی نیلامی میں ہندوستانی ٹیم کے وکٹ کیپر بلے باز رشبھ پنت کو ۲۷؍ کروڑ روپے کی سب سے زیادہ بولی لگا کر خریدا۔ دوسرے نمبر پر شریس ایّر۲۶؍ کروڑ۷۵؍ لاکھ روپے میں فروخت ہوئے۔ انہیں پنجاب کنگز کی ٹیم نے اپنے بیڑے میں شامل کیا۔ 
آئی پی ایل۲۰۲۵ءکی نیلامی میں کل ۵۷۷؍ کھلاڑی شامل ہیں۔ اس میں ۳۶۷؍ ہندوستانی اور ۲۱۰؍غیر ملکی کھلاڑی شامل ہیں۔ سعودی عرب کے جدہ میں ۲۴؍ اور۲۵؍ نومبر کو ہونے والی نیلامی میں سن رائزرس حیدرآباد اور لکھنؤ کے درمیان پنت کیلئے بڑی بولی لگی تھی۔ لکھنؤ نے ۲۷؍ کروڑ روپے کی آخری بولی لگائی۔ 
کے ایل راہل کو دہلی کیپٹلس (ڈی سی) نے خریدا۔ عرشدیپ سنگھ میگا نیلامی میں خریدے جانے والے پہلے کھلاڑی بنے، پنجاب نے انہیں آر ٹی ایم کے ذریعے۱۸؍ کروڑ روپے میں اپنی ٹیم میں شامل کیا۔ وینکٹیش ایّر کو کولکاتا نائٹ رائیڈرس نے۲۳ء۷۵؍ کروڑ روپے میں خریدا۔ ایّر کے علاوہ پنجاب نے عرشدیپ سنگھ اور یزویندر چہل کو۱۸؍ کروڑ روپے میں خریدا۔ دہلی نے کے ایل راہل کو ۱۴؍کروڑ میں خریدا۔ روی چندرن اشون کی گھر واپسی ہوئی ہے۔ انہیں چنئی سپر کنگز نے۹ء۷۵؍ کروڑ میں خریدا۔ محمد سمیع کو سن رائزرس حیدرآباد نے ۱۰؍ کروڑ میں ، محمد سراج کو گجرات ٹائٹنس نے ۱۲ء۲۵؍ کروڑ میں، مشیل اسٹارک کو دہلی نے ۱۱ء۷۵؍کروڑ میں ، کگیسو ربادا کو گجرات ٹائٹنس نے ۱۰ء۷۵؍روڑ روپے میں خریدا۔