تقریباً ۱۷؍ سال بعد ٹی ٹوینٹی ورلڈ کپ جیتنے والی ٹیم انڈیا وطن واپسی کیلئے بالآخر ویسٹ انڈیز کے باربیڈوس سے روانہ ہو چکی ہے۔

تقریباً ۱۷؍ سال بعد ٹی ٹوینٹی ورلڈ کپ جیتنے والی ٹیم انڈیا وطن واپسی کیلئے  بالآخر ویسٹ انڈیز کے باربیڈوس سے روانہ ہو چکی ہے۔ یہاں  آنےوالےطوفان کی وجہ سے ہندوستانی ٹیم کے ساتھ ساتھ اسٹاف اور کئی میڈیا اہلکار بھی گزشتہ تین دنوں سے وہاں پھنسے ہوئے تھے۔ اب انہیں لے کر ایئر انڈیا کی فلائٹ  جمعرات کی صبح ۶؍ بجے تک ہندوستان پہنچ جائے گی۔ اس کے بعد جمعرات کو ہی ۱۱؍ بجے ہندوستانی اسکواڈ کے تمام کھلاڑی وزیر اعظم نریندر مودی سے ملاقات کریں گے۔امید ظاہر کی جا رہی ہے کہ اس ملاقات سے قبل ہندوستانی کھلاڑی دہلی میں روڈ شو بھی کریں گے۔ کھلاڑیوں کے استقبال کیلئے تمام تیاریاں مکمل کرلی گئی ہیں۔ دہلی ایئر پورٹ کے اطراف میں سیکوریٹی بھی بڑھادی گئی ہے۔ تصاویر میں ٹیم کے کھلاڑیوں  محمد سراج ، کپتان روہت شرما، سوریہ کمار یادو، یزویندر چہل اور ارشدیپ سنگھ کو ہوائی جہاز میں ورلڈ کپ کے ساتھ دیکھی جاسکتا ہے۔