گجرات ٹائٹنس کے سینئر بلے باز جوس بٹلر نے تسلیم کیا کہ وہ بنگلور میں آئی پی ایل میچ کے دوران آر سی بی کے اوپنر فل سالٹ کا کیچ ڈراپ کرنے کے بعد شرمندہ ہوئے تھے لیکن وہ اپنی بلے بازی سے اس کی بھرپائی کرنے کے لئے پُرعزم تھے۔

گجرات ٹائٹنس کے سینئر بلے باز جوس بٹلر نے تسلیم کیا کہ وہ بنگلور میں آئی پی ایل میچ کے دوران آر سی بی کے اوپنر فل سالٹ کا کیچ ڈراپ کرنے کے بعد شرمندہ ہوئے تھے لیکن وہ اپنی بلے بازی سے اس کی بھرپائی کرنے کے لئے پُرعزم تھے۔ واضح ہے کہ بٹلر نے ۳۹؍ گیندوں پر ناقابل شکست ۷۳؍رن بنائے۔ بٹلر نے میچ کے بعد کہا کہ میں نہیں جانتا کہ یہ کیسے ہوا لیکن مجھے شرمندگی محسوس ہوئی۔ ہم سب جانتے ہیں کہ سالٹ کتنا خطرناک ہے۔ اس لئے میں بلے بازی میں اس کی تلافی کرنے کے لئے پُرعزم تھا۔ یاد رہے کہ گجرات نے یہ میچ ۸؍ وکٹوں سے جیت لیا۔ میچ میں بٹلرنے آر سی بی کے پہلے ہی اوور میں محمد سراج کی گیند پر سالٹ کا کیچ چھوڑا تھا۔ بٹلر نے بعد میں اعتراف کیا کہ ان کی ٹیم کی فیلڈنگ اچھی نہیں تھی۔ انہوں نے کہا کہ بطور ٹیم ہماری فیلڈنگ اچھی نہیں تھی۔ اگر ہم اچھی فیلڈنگ کرتے تو ہمیں چھوٹے ہدف کا تعاقب کرنا پڑتا۔ یہ اچھی بات ہے کہ ہم جیتنے میں کامیاب رہے۔ ہمارے گیندبازوں نے شاندار کارکردگی کا مظاہرہ کیا تھا۔