آئی پی ایل کی دو اچھی ٹیمیں اتوار کی شام ارون جیٹلی اسٹیڈیم میں آمنے سامنے ہوں گی۔ ٹاپ پر کوہلی کی مستقل مزاجی آر سی بی کی حالیہ کارکردگی کی بنیاد رہی ہے۔

انڈین پریمیر لیگ (آئی پی ایل) کے رواں سیزن میں اب تک۳۹۲؍ رن بنانے والے وراٹ کوہلی کا شاندار فارم اتوار کو یہاں میزبان دہلی کیپٹلس (ڈی سی) کے خلاف رائل چیلنجرز بنگلور (آر سی بی) کی مہم کا اہم حصہ ہوگی۔ آئی پی ایل کی دو اچھی ٹیمیں اتوار کی شام ارون جیٹلی اسٹیڈیم میں آمنے سامنے ہوں گی۔ ٹاپ پر کوہلی کی مستقل مزاجی آر سی بی کی حالیہ کارکردگی کی بنیاد رہی ہے، جس سے ٹیم کو اپنے آخری ۴؍ میچوں میں سے ۳؍ میں جیت ملی ہے۔ کوہلی نے گزشتہ میچ میں راجستھان رائلز کے خلاف۷۰؍ رن کی میچ وننگ اننگز کھیلی تھی۔ کپتان رجت پاٹیدار اس فارم سے فائدہ اٹھانے اور دہلی کے خلاف ٹیم کے مضبوط ریکارڈ کو جاری رکھنے کی کوشش کریں گے، جس نے دونوں ٹیموں کے درمیان آخری ۷؍ میں سے ۵؍ میں کامیابی حاصل کی ہے۔ دہلی کو اپنی خودکی کارکردگی سے متاثر ہونے کی ضرورت ہوگی، جس نے لکھنؤ سپر جائنٹس کے خلاف ۸؍وکٹ کی شاندار کامیابی حاصل کی ہے۔