پاکستانی نژاد کلب کرکٹر جنید ظفر یہاں چلچلاتی گرمی میں کھیلے جانے والے   میچ کے دوران زمین پر گرنے سے انتقال کر گئے۔

پاکستانی نژاد کلب کرکٹر جنید ظفر یہاں چلچلاتی گرمی میں کھیلے جانے والے   میچ کے دوران زمین پر گرنے سے انتقال کر گئے۔ جنید،جن کی عمر۴۰؍ سال سے زیادہ ہے، گزشتہ ہفتے کو پرنس الفریڈ اولڈ کالجز کے خلاف اولڈ کانکورڈینز کرکٹ کلب کے لئے کھیل رہے تھے۔
رپورٹ کے مطابق۴۰؍ اوور تک فیلڈنگ کرنے اور ۷؍ اوورس تک بیٹنگ کرنے کے بعد خان ۴؍بجے زمین پر گر گئے۔ جنوبی آسٹریلیا اس وقت شدید گرمی کی لپیٹ میں ہے اور محکمۂ موسمیات کے مطابق اس وقت درجہ حرارت ۴۰؍ ڈگری سے اوپر تھا۔ ایڈیلیڈ ٹرف کرکٹ اسوسی ایشن کے قوانین میں کہا گیا ہے کہ اگر درجہ حرارت ۴۲؍ ڈگری سے زیادہ ہو تو میچ کو منسوخ کر دینا چاہیے۔ جنید کے کلب نے کہاکہ `ہم اپنے کلب کے ایک قابل قدر رکن کے انتقال پر غمزدہ ہیں۔ کنکورڈیا کالج اوول میں کھیلتے ہوئے ان کی حالت تشویشناک ہوگئی اور پوری کوشش کے باوجود انہیں بچایا نہیں جاسکا۔ ان کے خاندان، دوستوں اور ٹیم سے ہماری تعزیت ہے۔  خان آئی ٹی انڈسٹری میں کام کرنے کیلئے ۲۰۱۳ء میں پاکستان سے ایڈیلیڈ آئے تھے۔