یووینٹس پر ٹرافی کے بغیر ایک اور سیزن ختم ہونے کا خطرہ منڈلا رہا تھا لیکن ابتدائی منٹوں میں دوسان ولہووچ کے گول کی بدولت اٹالین کپ کے فائنل میں اٹلانٹا کو ایک صفرسے شکست دے کر اپنا ۱۵؍واں کوپا اٹالیہ خطاب جیت لیا۔

 یووینٹس پر ٹرافی کے بغیر ایک اور سیزن ختم ہونے کا خطرہ منڈلا رہا تھا لیکن ابتدائی منٹوں میں دوسان ولہووچ کے گول کی بدولت اٹالین کپ کے فائنل میں اٹلانٹا کو ایک صفرسے شکست دے کر اپنا ۱۵؍واں کوپا اٹالیہ خطاب جیت لیا۔ یووینٹس نے اس سے پہلے ۱۴؍ بار خطاب جیتا تھا اور ان کی آخری فتح ۲۰۲۱ءمیں ہوئی تھی جبکہ اٹلانٹا نے ۶۳۔ ۱۹۶۲ءکے سیزن میں صرف ایک بار خطاب جیتا ہے۔ 
  یووینٹس نے کھیل کا شاندار آغاز کیا اور چوتھے منٹ میں ہی گول کرکے برتری حاصل کر لی۔ اینڈریا کیمبیاسو کا تھر ولہووچ کے پاس پہنچ گیا اور انہوں نے اسے گول پوسٹ میں پہنچانے میں کوئی غلطی نہیں کی۔ ولہووچ نے ۵۴؍ویں منٹ میں پنالٹی کی اپیل کی تھی جب وہ باکس میں گرے تھے لیکن ریفری نے کھیل جاری رکھنے کی اجازت دے دی۔ اس سے پہلے بھی سربیائی کھلاڑی آف سائیڈ ہونےکی وجہ سے ایک اور گول کرنے سے محروم رہ گئے۔ 
اٹلانٹا کے پاس برابری کا موقع تھا لیکن اڈیمولا لک مین کا شاٹ ۸۰؍ویں منٹ میں گول پوسٹ سے ٹکرا گیا۔ آخری منٹوں میں یووینٹس نے میسیمیلیانو الیگری کو ریڈ کارڈ دکھانے اور گیند پر کم قبضے کے باوجود اعصاب پر قابو رکھا اور اسکور لائن کو برقرار رکھا۔ 
 میچ کے بعد الیگری نے کہا’’ یہ ایک اہم رات تھی، فائنل کھیلنا ہمیشہ ایک حیرت انگیز احساس ہوتا ہے۔ ہم ۳؍ مشکل مہینوں سے گزرے جو ہماری ترقی کیلئے شاندارثابت ہوں گے۔ یووینٹس ایک اہم کلب ہے اور ہمیں وہ مل گیا جو ہم چاہتے تھے۔ چمپئن لیگ میں کھیلنا اور کوپا اٹلی کے فائنل میں لڑکوں نے جیتنے کےلئے اچھی کارکردگی کا مظاہرہ کیا۔ امید ہے کہ ہمارے کھلاڑی آئندہ بھی اسی طرح کی کارکردگی پیش کریں گے۔