کھو کھو ورلڈ کپ  میں ہندوستانی ٹیم نے نیپال کو۳۷-۴۲؍ سے شکست دے کر شاندار آغاز کیا۔ نیپال نے  ہندوستان کو سخت ٹکر دی جس کی توقع نہیں تھی۔

کھو کھو ورلڈ کپ  میںہندوستانی ٹیم نے نیپال کو۳۷-۴۲؍ سے شکست دے کر شاندار آغاز کیا۔ نیپال نے  ہندوستان کو سخت ٹکر دی جس کی توقع نہیں تھی۔ نیپال نے اپنے دونوں بار حملوں میں کامیابی حاصل کی لیکن ہندوستان نے ۵؍ پوائنٹ کی برتری حاصل کی۔ اس سے پہلے نائب صدر جگدیپ دھنکر نے اندرا گاندھی اسٹیڈیم میں ورلڈ کپ کا افتتاح کیا۔مردوں کا فائنل۱۹؍ جنوری کو کھیلا جائے گا۔ نیپال کے خلاف میچ میں ہندوستان نے پہلے حملہ کیا اور۰-۲۴؍سے کامیابی حاصل کی تاہم دوسری باری میں نیپال نے حملے کا فائدہ اٹھایا اور باری ۰-۲۰؍سے جیت لی۔ تیسری باری میں  ہندوستان کی باری تھی ۔ اس نے اس کا فائدہ اٹھایا اور۱-۱۸؍ سے کامیابی حاصل کی۔ اگلی باری میں نیپال نے حملہ۰-۱۶؍سے جیت لیا لیکن ہندوستان پانچ پوائنٹ کی برتری کے ساتھ جیت کو برقرار رکھنے میں کامیاب رہا۔