آئی پی ایل کے اس سیزن میں گجرات ٹائٹنس کیلئے کھیلنے پر ہندوستانی تیز گیندباز محمد سراج نے کہا کہ وہ شبھمن گل کی قیادت میں کھیلنے کیلئے پرجوش ہیں۔ وہ گزشتہ سیزن تک رائل چیلنجرز بنگلور(آر سی بی ) کیلئے کھیل رہے تھے۔

 آئی پی ایل کے اس سیزن میں گجرات ٹائٹنس کیلئے  کھیلنے پر ہندوستانی   تیز گیندباز محمد سراج نے کہا کہ وہ شبھمن گل کی قیادت میں کھیلنے کیلئے  پرجوش ہیں۔ وہ گزشتہ سیزن تک رائل چیلنجرز بنگلور(آر سی بی ) کیلئے کھیل رہے تھے۔ انہوں نے کہا کہ نئے سیزن سے قبل گجرات کی ٹیم سے منسلک ہونا اچھا لگتا ہے۔ میرے لئے  آر سی بی  چھوڑنا تھوڑا جذباتی رہا کیونکہ  وراٹ (کوہلی) بھائی نے مشکل وقت میں میرا بہت ساتھ دیا لیکن ہمارے پاس گل کی قیادت میں بہت اچھی ٹیم ہے۔
 محمد سراج نے کہا کہ اگر آپ گل کی بات کریں تو وہ گیندبازوں کے کپتان ہیں۔ وہ آپ کو کچھ نیا کرنے یا آپ کی حکمت عملی کو نافذ کرنے سے کبھی نہیں روکتے ہیں۔ ہم دونوں نے اپنا ٹیسٹ کریئر  ایک ساتھ شروع کیاتھا (۲۰۲۰ء میں آسٹریلیا کے خلاف) اور ہمارے درمیان بہت اچھے تعلقات ہیں۔ گجرات ٹائٹنس کے پاس کگیسو ربادا، راشد خان، ایشانت شرما اور جیرالڈ کوئٹزی میں کچھ سرفہرست گیند باز ہیں اور سراج نے کہا کہ اس سے ان کا بوجھ کچھ کم ہوگا۔ انہوں نے کہا کہ یہ واقعی بہت بڑی بات ہے کیونکہ آپ کے پاس اتنا اچھا بولنگ  اٹیک ہے جو کچھ صحت مند مقابلے کو فروغ دے گا، جو ٹیم کیلئے  اچھا ہے۔ ان گیند بازوں کو زیادہ رہنمائی کی ضرورت نہیں ہے اور وہ اپنی حکمت عملی کو اچھی طرح جانتے ہیں۔ سراج نے کہا کہ اس حوالے سے آئی پی ایل جیسے مقابلے میں ایسے بولرس  کا ہونا کسی اعزاز سے کم نہیں۔