لکھنؤ سپر جائنٹس (ایل ایس جی)ٹیم کے سرپرست ظہیر خان انڈین پریمیر لیگ (آئی پی ایل) ۲۰۲۵ء سے قبل بائیں ہاتھ کے بلے بازی کے اختیارات کی کثرت کو بہتر حکمت عملی کے طور پر دیکھتے ہیں

 لکھنؤ سپر جائنٹس (ایل ایس جی)ٹیم کے سرپرست ظہیر خان انڈین پریمیر لیگ (آئی پی ایل) ۲۰۲۵ء سے قبل بائیں ہاتھ کے بلے بازی کے اختیارات کی کثرت کو بہتر حکمت عملی  کے طور پر دیکھتے ہیں۔ ایل ایس جی نے پچھلے سال کی میگا نیلامی کے دوران بائیں ہاتھ کے ۵؍ بلے بازوں کا انتخاب کیا  اور ان میں سے ۳؍ کا پلیئنگ الیون میں شامل ہونا یقینی ہے۔ پنت، نکولس پوران اور ڈیوڈ ملر ایک دھماکہ خیز مڈل آرڈر سیٹ اپ بنانے کے لیے سب سے زیادہ ممکنہ امیدوارہیں۔ بیٹنگ لائن اپ میں بائیں ہاتھ کے ۳؍ ستاروں کی شمولیت سے اٹیک مزید مضبوط ہونے کی  امید ہے۔ اس پر ظہیر خان کو لگتا ہے کہ یہ توازن ٹھیک ہے۔
ظہیر نے کہا کہ یہ ایک اسٹریٹجک فائدہ بھی ہوسکتا ہے۔ میں نے یہ نہیں دیکھا کہ مجھے ٹیم میں بائیں ہاتھ کے کتنے کھلاڑیوں کی ضرورت ہے۔ یہ ٹھیک ہے جب تک کہ آپ کے پاس توازن ہے، آپ کے پاس ٹیم میں متبادل  ہیں ۔ جب میں اپنی ٹیم کو دیکھتا ہوں تو یہ ایک ٹھوس یونٹ کی طرح لگتا ہے۔ پنت کو ایل ایس جی نے کیش سے بھرپور لیگ کے تازہ ترین ایڈیشن سے پہلے کے ایل راہل کی جگہ کپتان مقرر کیا ہے۔۲۰۱۶ء میں دہلی ڈیئر ڈیولس کی کپتانی کرنے والے ظہیر نے نوجوان پنت کو دیکھا اور ان کے ساتھ کام کیا۔ سابق ہندوستانی تیز گیند باز کے مطابق پنت ایک ایسا شخص ہے جو پوری یونٹ کو متحرک کرسکتا ہے اور کرکٹ کا ایک برانڈ قائم کرسکتا ہے جسے ایل ایس جی کھیلنا چاہتا ہے۔