ایورٹن سے ڈرا کھیلنے کے بعد لیورپول کی ٹیم والووس کے خلاف کامیابی حاصل کرنا چاہے گی۔ محمد صلاح سے زیادہ گول کرنے کی امید ۔

انگلش پریمیر لیگ (ای پی ایل ) میں آج لیورپول کی ٹیم گھریلو میدان پر واولورہیمپٹن سے مقابلہ کرے گی۔ لیورپول کو ای پی ایل کے گزشتہ میچ میں ایورٹن کے ساتھ ۲۔۲؍ گول کے ڈرا پر اکتفا کرنا پڑا تھا جس سے آرسنل اور اس کے درمیان پوائنٹس کا فرق کم ہوگیا تھا۔ آرسنل مسلسل لیورپول فٹبال کلب پر پوائنٹس کا دباؤ ڈالا رہا ہے۔ اتوار کو ہونے والے میچ میں لیورپول کے اسٹار محمدصلاح سے ایک پھر زیادہ گول کی امید ہوگی۔ 
لیورپول فٹبال کلب کے فارورڈ کوڈی گاکپو ایورٹن میں ڈرا میں چوٹ لگنے کے بعد اتوار کو نہیں کھیل سکیں گے۔ ان کے کھیلنے کے تعلق سے شکوک ہیں ، جب کہ جو گومیز اور ٹائلر مورٹن باہر رہیں گے اور کرٹس جونس کو گڈیسن پارک میں آخری سیٹی کے بعد ریڈ کارڈ کے بعد معطل ہوگئے ہیں۔
لیورپول کے ہیڈ کوچ آرنے سلاٹ اور اسسٹنٹ سیپکے ہلشوف کو بھی بدھ کے میچ کے بعد باہرکر دیا گیا تھا لیکن اتوار کے میچ کے لیے دونوں میں سے کسی پر بھی ممکنہ پابندی عائد کیے جانے کا امکان نہیں ہے۔ یہ دونوں افراد لیورپول کے ڈگ آؤٹ میں موجود رہیں گے۔ اگر ان پر پابندی ہوتی تو یہ دونوں باہر بیٹھ کر میچ دیکھ رہے ہوتے لیکن ایف اے نے ان کے خلاف کوکارروائی نہیں کی اس لئے وہ ڈگ آؤٹ میں موجود رہیں گے۔ لیورپول فٹبال کلب ان کی ضرورت ہوگی۔ 
والووس کلب بغیر ہوان ہی چن کے میدان پر اترے گا جنہیں ہیمسٹرنگ کی دشواری کے ساتھ گزشتہ ہفتے کے آخر میں بلیک برن کے خلاف باہر کیا گیا تھا۔ ساتھی کھلاڑی فارورڈ جارجن اسٹرینڈ لارسن بھی اسی طرح کے مسئلے سے واپسی کے قریب ہیں، اگرچہ یہ میچ ان کے لیے بہت اہم ہوسکتا ہے، لیکن نئے کھلاڑی ناصر ڈیا اور مارشل میونیٹسی اپنے پریمیر لیگ کے آغاز کے لئے دستیاب ہیں۔
لیورپول نے فروری۲۰۲۳ء میںاس ٹیم سے ہارنے کے علاوہ، حالیہ ٹاپ فلائٹ میٹنگز میں سے۱۶؍  میں سے۱۵؍میچ جیتے ہیں۔ والووس نے اینفیلڈ میں پریمیر لیگ کے اپنے۱۰؍ میں سے۹؍ میچ ہارے ہیں، صرف دسمبر ۲۰۱۰ء میںاس نے ۰۔۱؍ سے لیورپول کے خلاف کامیابی حاصل کی تھی۔ 
لیورپول نے جنوری سے پہلے آرنی سلاٹ کے تحت ۲۷؍ لیگ اور کپ گیمز میں سے۲۳؍میچ جیتے تھے لیکن فروری میں ۱۲؍ میں سے ۶؍ میچ جیتنے میں ناکام رہا ہے۔ مڈ ویک میں ایورٹن میں اسٹاپج ٹائم برابری کو تسلیم کرنے کے باوجود، لیورپول اس سیزن میں جیتنے والی پوزیشن سے صرف ۶؍ پوائنٹس پیچھے ہوا ہے، جو مانچسٹر یونائٹیڈ کے ساتھ مشترکہ کم ہے۔ اس کلب نے اپنے پچھلے ۹؍ گھریلو لیگ مقابلوں میں سے ہر ایک میں کم از کم دو بار اسکور کیا ہے، اس دوران لیورپول کی ٹیم نے ۲۲؍ گول کئے تھے۔ 
محمد صلاح نے اس سیزن میں پریمیر لیگ میں۱۴؍معاونت کئے ہیں ، جو۹۶۔۱۹۹۵ء میں اسٹیو میکمانمن کے قائم کردہ لیورپول کے ریکارڈ سے ایک کم ہے۔ یہ مجموعی ریکارڈ ۲۰؍ سے ۶؍ کم ہے، جوکہ تھیری ہنری نے۰۳۔۲۰۰۲ء میں اور کیون ڈی بروئن نے ۲۰۔۲۰۱۹ء میں قائم کیا تھا۔ والووس اس سیزن میں تیسری بار بیک ٹو بیک لیگ میچ جیتنے کے لیے کوشاں ہیں، انہوں نے نومبر میں گیری او نیل اور دسمبر میں ویٹر پریرا کے تحت بھی ایسا کیا تھا۔