وزڈن کرکٹرس المناک نے ہندوستانی کرکٹرس اسمرتی مندھانا اور جسپریت بمراہ کو ۲۰۲۴ء کیلئے دنیا کے بہترین کرکٹرس قرار دیا ہے۔

وزڈن کرکٹرس المناک نے ہندوستانی کرکٹرس اسمرتی مندھانا اور جسپریت بمراہ کو ۲۰۲۴ء کیلئے دنیا کے بہترین کرکٹرس قرار دیا ہے۔ وزڈن کرکٹرس المناک نے ہندوستانی خواتین کی ٹیم کی بلے باز اسمرتی مندھانا اور مردوں کی ٹیم کے تیز گیندباز جسپریت بمراہ کو ۲۰۲۴ء کیلئے دنیا کے بہترین کرکٹرس کے طور پر منتخب کیا ہے۔ جسپریت بمراہ نے۲۰۲۴ء میں ۱۴ء۹۲؍کے اوسط سے۷۱؍ ٹیسٹ وکٹ حاصل کئے اور ٹی ۲۰؍ ورلڈ کپ میں ہندوستان کی فتح میں اہم کردار ادا کیا۔ بارڈر گاوسکر ٹرافی میں اکیلے انہوں نے۱۳ء۰۶؍ کے اوسط سے ۳۲؍ وکٹ حاصل کئے۔ خواتین کے زمرے میں اسمرتی مندھانا نے گزشتہ سال ٹی۲۰، ون ڈے اور ٹیسٹ میچوں کے تینوں فارمیٹ میں ۱۶۵۹؍ رن بنائے تھے۔ اس کے ساتھ ہی انہوں نے بین الاقوامی کرکٹ میں ایک کیلنڈر ایئر میں سب سے زیادہ رن بنانے کا ریکارڈ بھی اپنے نام کر لیا۔ مندھانا پہلی ہندوستانی خاتون کھلاڑی ہیں جنہوں نے یہ کارنامہ دو مرتبہ حاصل کیا۔ پچھلے سال انہوں نے جنوبی افریقہ کے خلاف ۴؍ ون ڈے سنچریاں اور ایک ٹیسٹ سنچری (۱۴۹؍ رن) اسکور کئے۔ وہ ون ڈے میں ۷۴۷؍ اور ٹی۲۰؍ میں ۷۶۳؍ رن کے ساتھ اس فہرست میں ٹاپ پر ہیں۔ اس کے علاوہ مندھانا نے گزشتہ سال رائل چیلنجرز بنگلور (آر سی بی) کو پہلا ویمنز پریمیر لیگ ٹائٹل جیتنے میں بھی مدد کی تھی۔