اریٹیریا کے بیرہین ٹیسفے نے اتوار کو ممبئی میراتھن میں مردوں کا خطاب جیتا جبکہ کینیا کی جوائس چیپکموئی ٹیلی نے خواتین کا خطاب جیتا۔

اریٹیریا کے بیرہین ٹیسفے نے اتوار کو ممبئی میراتھن میں مردوں کا خطاب جیتا جبکہ کینیا کی جوائس چیپکموئی ٹیلی نے خواتین کا خطاب جیتا۔ ٹیسفے نے۴۲ء۱۹۵؍ کلومیٹر کا فاصلہ مکمل کرنے میں ۲؍ گھنٹے۱۱؍ منٹ اور۴۴؍ سیکنڈ کا وقت لیا اور اپنا پہلا بین الاقوامی مکمل میراتھن ٹائٹل جیتا۔ افریقہ کے چھوٹے سے ملک اریٹیریا کے رنرس نے مردوں کے زمرے میں پہلی دو پوزیشن حاصل کی۔ ٹیسفے کے ہم وطن مرہاوی کیسیٹ۵۰:۱۱:۲؍ میں دوسرے نمبر پر رہے۔ ایتھوپیا کےٹیسفے ڈیمیکے۵۶:۱۱:۲؍ نے تیسرا مقام حاصل کیا۔ دریں اثنا، ٹیلی نے۵۶:۲۴:۲؍ کے وقت کے ساتھ خواتین کا ایلیٹ ٹائٹل جیت لیا۔ خواتین کے زمرے میں بحرین کی شیتے ایشیٹے ۲۹:۲۵:۲؍ دوسرے اور ایتھوپیا کے مدینا ڈیمے آرمینو ۵۸:۷۲:۲؍ تیسرے نمبر پر رہے۔ ہندوستانی کھلاڑیوں میں انیش تھاپا (۲۳:۱۷:۲) مردوں کے زمرے میں پہلے نمبر پر رہے۔ نرمابین ٹھاکر۶:۵۰:۲؍ خواتین کے زمرے میں اپنے اعزاز کا دفاع کرنے میں کامیاب رہیں۔