آسٹریلوی اسپنر ناتھن لاین نے اپنے کریئر کے دوران لیجنڈری بولر شین ورن سے مسلسل موازنہ کئے جانے کی حقیقت کو قبول کرلیا

آسٹریلوی اسپنر ناتھن لاین  نے اپنے کریئر کے دوران لیجنڈری بولر شین ورن سے مسلسل موازنہ کئے جانے کی حقیقت کو قبول کرلیا۔  لاین جو کبھی موازنہ کی طرف سے دباؤ محسوس کرتے تھے، اب اس کے ساتھ  ہم آہنگ ہوگئے ہیں۔
۱۲۹؍ ٹیسٹ میچ اور۵۳۰؍ وکٹ لینے والے تجربہ کار لاین  نے انکشاف کیا کہ ورن جیسی قدآور شخصیت کی وجہ سے  بین الاقوامی کرکٹ میں خود کو قائم کرنا مشکل ہوگیا تھا۔ اب تک کے سب سے بڑے لیگ اسپنر کا۲۰۲۲ء میں۵۲؍  سال کی عمر میں انتقال ہوگیاتھا۔۲۰۰۷ء میں۷۰۸؍ ٹیسٹ وکٹ کے بڑے اسکور کے ساتھ بین الاقوامی کرکٹ سے ریٹائرڈ ہوئے تھے۔ تاہم لاین  جنہوں نے۲۰۱۱ء  میں اپنا ٹیسٹ  آغاز کیا تھا، نے اپنے کریئر کے آغاز میں ورن کی جگہ لینے کیلئے  بہت دباؤ محسوس کیا۔
لاین  نے کہاکہ  `شاید میں نے شروع میں اس کے ساتھ جدوجہد کیا کیونکہ آپ ہر میچ میں اپنی پوری کوشش کرتے ہیں لیکن مجھے لگتا ہے کہ میڈیا اور آسٹریلوی عوام پوچھ رہے تھے، `اگلا اسپنر کون ہے؟ ہمیں ایک اسپنر کی ضرورت ہے جو وہ کر سکے جو شین ورن نے آخری دن تک کیا تھا  اور میں نے اپنے فرسٹ کلاس کریئر میں۱۰؍ میچ کھیلے ہیں۔ میں وہ کام کبھی نہیں کر سکوں گا جو ورن نے کیا۔ ورن جیسا کھلاڑی  صدیوں میں  ایک بار آتا ہے۔
لاین  نے مزید کہاکہ ’’ `میں اب بھی شین ورن کا سایہ محسوس کرتا ہوں اور میں نے۱۲۹؍ ٹیسٹ میچ کھیلے ہیں اور۵۳۰؍ وکٹ حاصل کئے ہیں۔ بات یہ ہے کہ میں اس سے خوش ہوں اور اب میں اس سے راضی ہوں۔ ہم میں سے بہت سے لوگوں نے شین ورن کے سائے کے دباؤ کو محسوس کیا  اور شاید مجھے یہ سمجھنے میں ۵، ۶، ۷؍ سال لگے کہ دباؤ ایک اعزاز ہے۔ آسٹریلوی آف اسپنر نے کہاکہ ’’ `اگر آپ پر دباؤ ہے تو آپ ٹھیک ہیں، اس سے لطف اندوز ہوں۔  لاین  ہندوستان  کے خلاف ۵؍ میچوں کی ٹیسٹ سیریز میں ایکشن میں ہوں گے، جو۲۲؍ نومبر سے پرتھ میں کھیلی جائے گی۔