نیوزی لینڈ کرکٹ ٹیم کے کھلاڑی مارٹن گپٹل نے بین الاقوامی کرکٹ سے ریٹائرمنٹ کا اعلان کردیا۔  مارٹن گپٹل نے بدھ کو اچانک ریٹائرمنٹ کا اعلان کر کے اپنے ساتھیوں اور چاہنے والوں کو حیران کردیا جبکہ اعلان کے وقت وہ جذباتی ہوئے اور آنکھوں سے آنسو بھی چھلک پڑے۔

نیوزی لینڈ کرکٹ ٹیم کے کھلاڑی مارٹن گپٹل نے بین الاقوامی کرکٹ سے ریٹائرمنٹ کا اعلان کردیا۔  مارٹن گپٹل نے بدھ کو اچانک ریٹائرمنٹ کا اعلان کر کے اپنے ساتھیوں اور چاہنے والوں کو حیران کردیا جبکہ اعلان کے وقت وہ جذباتی ہوئے اور آنکھوں سے آنسو بھی چھلک پڑے۔
 نیوزی لینڈ کے مارٹن گپٹل کا شمار ٹی ۲۰؍ فارمیٹ کے بہترین کھلاڑیوں میں ہوتا تھا اس کے علاوہ انہوں نے ون ڈے اور ٹیسٹ میں بھی اپنی صلاحیتوں کا لوہا منوایا تھا۔انہوں نے ریٹائرمنٹ کا اعلان کرتے ہوئے کہا کہ ’’ایک چھوٹے بچے کے طور پر یہ ہمیشہ میرا خواب تھا کہ میں نیوزی لینڈ کے لیے کھیلوں، میں اپنے ملک کے لیے۳۶۷؍  میچ  کھیلنے پر ناقابل یقین حد تک خوش قسمت اور فخر محسوس کرتا ہوں۔‘‘
  مارٹن گپٹل نے کہا کہ میں اپنے تمام  ساتھیوں اور کوچنگ اسٹاف کا بہت بہت شکریہ کہنا چاہتا ہوں، خاص طور پر مارک او ڈونیل جنہوں نےنوجوانی  سے میری کوچنگ کی ہے۔  ایک خصوصی شکریہ میرے  منیجر لیان میک گولڈرک کا بھی، پردے کے پیچھے ہونے والے تمام کاموں پر کبھی توجہ نہیں دی گئی اور میں ہمیشہ آپ کے تعاون کا شکر گزار رہوں گا۔
تجربہ کار کھلاڑی مارٹن گپٹل نے کریئر میں۳۵۰؍ سے زائد انٹرنیشنل میچ کھیلے، جن میں۱۹۸؍ ون ڈے، ۱۲۲؍ ٹی۲۰؍ اور۴۷؍ ٹیسٹ شامل ہیں۔ مارٹن ٹی۲۰؍ میں سب سے زیادہ رن بنانے والے نیوزی لینڈ کے کھلاڑی ہیں اور انہوں نے۱۲۲؍ میچوں میں ۱۳۵ء۷۰؍  کے اسٹرائیک ریٹ سے۳۵۳۱؍ رن بنائے۔
ون ڈے میں گپٹل کو ان کی مستقل مزاجی اور مہارت کے لیے بھی بہت زیادہ کارآمد سمجھا جاتا ہے۔ انہوں نے سب سے زیادہ قابل ذکر اننگز میں ۲۰۱۵ء میں ویسٹ انڈیز کے خلاف شاندار۲۳۷؍رن  کی کھیلی تھی۔  ون ڈے اور ٹی  ۲۰؍ میں اپنی صلاحیتوں کے علاوہ، گپٹل نے ٹیسٹ کرکٹ میں بھی اہم کردار ادا کیا۔ انہوں نے ۴۷؍ میچوں میں ۳؍ سنچریوں کی مدد سے۲۵۸۶؍ رن بنائے تھے۔