انہیں اپنی نام نہاد تکنیکی کوتاہیوں کے بارے میں دقیانوسی تصورات سے لڑنا پڑا، ٹائپ کاسٹ کیا گیا اور ورلڈ کپ کا ہیرو بننے کے مہینوں کے اندر ہی ان کا معاہدہ منسوخ کردیا گیا لیکن شریاس ایّر بے چین رہے اور اپنی دیانت اور صاف ذہن پر بھروسہ کرتے ہوئے آگے بڑھے۔

انہیں  اپنی نام نہاد تکنیکی کوتاہیوں کے بارے میں دقیانوسی تصورات سے لڑنا پڑا، ٹائپ کاسٹ کیا گیا اور ورلڈ کپ کا ہیرو بننے کے مہینوں کے اندر ہی ان کا معاہدہ منسوخ کردیا گیا لیکن شریاس ایّر بے چین رہے اور اپنی دیانت اور صاف ذہن پر بھروسہ کرتے ہوئے آگے بڑھے۔ اس سے بھی اسے مثبت نتائج ملے۔ حالیہ دنوں میں وہ چوتھے نمبر پر ہندوستان کے سب سے قابل اعتماد بلے باز بن گئے ہیں اور کپتان روہت شرما نے ٹیم کی چمپئن  ٹرافی  فتح  کے بعد انہیں  سائلنٹ ہیرو قرار دیا تھا۔

یہ بھی پڑھئے: ناگپورتشدد: پولیس نے ہنسا پوری اور بھالدار پورہ میں گھروں میں گھس کر گرفتاریاں کیں

شارٹ گیند کے سامنے ان کی کمزوری کے بارے میں پوچھے جانے پر شریاس ایّرنے انٹرویو میں کہاکہ ’’ `شاید ایسا تاثر پیدا ہوا ہو یا مجھے ٹائپ کاسٹ کیا گیا ہو اس کے باوجود میں ہمیشہ اپنی طاقت، صلاحیتوں کو جانتا تھا اور مجھے خود پر اعتماد تھا۔ پچھلے ۸؍ ون ڈے میں، انہوں نے۴؍ نمبر پر۵۳؍ کے اوسط سے رن بنائے ہیں۔ انہوں نے کہاکہ ’’ `کھیل بدلتا رہتا ہے، اس لئے  کھلاڑیوں کو اپنی کارکردگی کو مسلسل بہتر کرنا پڑتا ہے۔ مجھے خوشی ہے کہ میں ایک مثبت ذہنیت کے ساتھ کھیلنے کے قابل تھا اور اپنے عمل پر بھروسہ کرتا ہوں۔  وہ پچھلے سال انگلینڈ کے خلاف ہوم ٹیسٹ سیریز کے دوران کمر کی انجری کا شکار ہو گئے تھے اور پھر اپنا سینٹرل کنٹریکٹ کھو بیٹھے تھے کیونکہ وہ اپنی اس وقت کی آئی پی ایل ٹیم کولکاتا نائٹ رائیڈرس کے ساتھ ٹریننگ کر رہے تھے جب انہیں رنجی ٹرافی کھیلنا تھی۔