لالیگا میں اوساسونا نے بارسلونا کو ۲۔ ۴؍گول سے شکست دے دی۔ فاتح کلب کیلئے اے بودی میر نے ۲؍گول کئے۔

برائن زاراگوزا کی شاندار کارکردگی نے اوساسونا فٹبال کلب کو بارسلوناپر ۲۔ ۴؍گول کی جیت دلائی۔ اس شکست کے بعد بارسلونافٹبال کا اسپین کی لیگ لالیگا میں ۷؍ میچوں کی جیت کا سلسلہ ختم ہوگیا اور اس طرح اسے کلب کا ریکارڈ برابر کرنے کا موقع نہیں ملا۔ اوساسونا کی جانب سے کھیلنے والے فارورڈ زاراگوزا نے ۱۷؍ویں منٹ میں اینٹے بودی میر کے لئے گول بنایا اور ٹیم کو ۰۔ ۱؍ کی برتری دلائی۔پھر۲۸؍ویں منٹ میں گول کیپر آئیاکی پینا کوچکمہ دے کر زارا گوزا نے برتری ۰۔ ۲؍کردی۔ بارسلونا کے نوجوان کھلاڑی پاؤ وکٹر نے ٹیم کیلئے گول کر کے شائقین کو مسحور کر دیا۔ انہوں نے ۵۳؍ویں منٹ میں کچھ جوش و خروش دکھایا اور میچ کا اسکور ۱۔ ۲؍گول کردیا۔ لیکن بودی میر نے ۷۲؍ویں منٹ میں پنالٹی کو گول میں تبدیل کر کے میچ کا نتیجہ تقریباً یقینی بنا دیا۔ ایبل بریٹنز نے۸۵؍ویں منٹ میں اسکورایک۔ ۴؍گول کر دیا جبکہ متبادل کھلاڑی لامین یامل نے بارسلونا کیلئے دوسرا گول کیا۔خیال رہے کہ بارسلونا فٹبال کلب نے اسپینش لیگ کے اس سیزن میں پہلے ۷؍ میچ جیت کر شاندار آغاز کیا تھا۔ اگر اس نے اوساسونا کو شکست دی ہوتی تو وہ۲۰۱۳ء میں بنائے گئے پہلے ۸؍ میچوں میں جیتنے کا اپنا سابقہ ​​ریکارڈ برابر کرلیا ہوتا۔ 
انٹر میامی کیلئے لیونل میسی نے گول کیا 
لیونل میسی نے گول کر کے اپنی ساکھ کو برقرار رکھا۔ انٹر میامی میجر لیگ ساکر(ایم ایل ایس) کپ پلے آف کے لئے ٹاپ سیڈنگ حاصل کرنے کے قریب پہنچ گیا۔ میسی نے ۶۷؍ ویں منٹ میں گول کیا جب انٹر میامی نے میجر لیگ ساکر میں اپنی ناقابل شکست مہم کو سنیچر کی رات شارلٹ ایف سی کے خلاف۱۔ ۱؍گول سے ڈرا کرکے ۸؍ میچوں تک بڑھا دیا۔ یہ میسی کا رواں سیزن میں ۱۶؍ لیگ میچوں میں ۱۵؍ واں گول تھا۔ میسی ایم ایل ایس کی تاریخ کے چھٹے کھلاڑی بن گئے جنہوں نے کم از کم۱۵؍ گول اسکور کئے اور ایک سیزن میں ۱۵؍ گول کرنے میں مدد کی۔یہ میچ ڈرا ہونے کے ساتھ ہی انٹر میامی پلے آف کی دوڑ میں شامل ہے۔