یہاں کے راجیو گاندھی انٹرنیشنل اسٹیڈیم میں ممبئی اور حیدرآباد کے درمیان میچ سے قبل ٹاس کے دوران دونوں ٹیموں کے کپتانوں نے پہلگام حملے کے متاثرین سے اظہار تعزیت کیا۔

یہاں کے راجیو گاندھی انٹرنیشنل اسٹیڈیم میں ممبئی اور حیدرآباد کے درمیان میچ سے قبل ٹاس کے دوران دونوں ٹیموں کے کپتانوں نے پہلگام حملے کے متاثرین سے اظہار تعزیت کیا۔ اس کے بعد دونوں ٹیموں کے کھلاڑیوں نے میدان میں ۲؍ منٹ کی خاموشی بھی اختیار کی۔ اس دوران کھلاڑی پہلگام حملے  کے مہلوکین کے تئیں غمگین نظر آئے۔ آئی پی ایل نے اپنے آفیشل ٹویٹر اکاؤنٹ پر اس کا ایک ویڈیو بھی پوسٹ کیا ہے۔  پوسٹ میں لکھا گیا کہ آئیے ہم سب امن اور انسانیت کے لئے اٹھ کھڑے ہوں۔ حیدرآباد میں پہلگام دہشت گردانہ حملے کے متاثرین کو خراج عقیدت پیش کرنے کیلئے ایک منٹ کی خاموشی اختیار کی گئی۔دیگر کھلاڑیوں نے بھی خراج عقیدت پیش کیا ہے۔