مشتاق محمد پاکستان کے مشہور کرکٹر تھے جنھوں نے ۱۹۵۹ء سے ۱۹۷۹ءتک۵۷؍ٹیسٹ اور۱۰؍یک روزہ میچ کھیلے۔ وہ بیٹنگ کےعلاوہ سپن باؤلنگ بھی کرتے تھے۔

مشتاق محمد پاکستان کے مشہور کرکٹر تھے جنھوں نے ۱۹۵۹ء سے ۱۹۷۹ءتک۵۷؍ٹیسٹ اور۱۰؍یک روزہ میچ کھیلے۔ وہ بیٹنگ کےعلاوہ سپن باؤلنگ بھی کرتے تھے۔ وہ ۱۹؍ٹیسٹ میچوں میں کپتان بھی رہے۔ ایک دائیں ہاتھ کے بلے باز اور لیگ اسپنر جن کا شمار سب سے کامیاب پاکستانی آل راؤنڈر میں کیا جاتا ہے وہ ایک ہی ٹیسٹ میچ میں دو بار سنچری بنانے اور ایک اننگز میں ۵؍ وکٹیں لینے والےپہلے اور آج تک واحدپاکستانی ہیں۔ وہ ۵؍محمد بھائیوں حنیف محمد، صادق محمد اور رئیس محمد میں سےایک ہیں، جنھوں نے پاکستان کے لیے کرکٹ کھیلا۔ مشتاق محمد نے ریاستہائے متحدہ امریکہ کی قومی کرکٹ ٹیم کی کوچنگ بھی کی تھی، لیکن بعد میں پاکستانی ٹیلی ویژن کے لیے کرکٹ کمنٹری میں واپس آگئے۔ 
 ۲۶؍مارچ ۱۹۵۹ءکو ویسٹ انڈیز کے خلاف لاہور میں مشتاق نے اپنے بڑے بھائیوں وزیر محمد اور حنیف محمد کی جگہ ٹیسٹ کرکٹ میں حصہ لیا۔ وہ اس وقت ۱۵؍سال اور۱۲۴؍دن کے تھے، جو اس وقت ٹیسٹ کرکٹ کھیلنے والے سب سے کم عمر شخص تھے، یہ بھی کہا جاتا ہے کہ ان کی تاریخ پیدائش کے درست ہونے پر کچھ شک موجود ہے۔ انھوں نے میچ میں ۱۸؍رنز بنائے اور پاکستان کو اننگز اور ۱۵۶؍ رن سے شکست ہوئی۔ ان کی ۱۰؍ٹیسٹ سنچریوں میں سے پہلی سنچری ان کے چھٹے ٹیسٹ میں آئی جب فیروز شاہ کوٹلہ میں ہندوستان کےخلاف ۱۰۱؍ رن بنائے۔ اس وقت ان کی عمر ۱۷؍سال اور ۷۸؍ دن تھی جو ٹیسٹ سنچری کی سب سے کم عمر تھی ان کایہ ریکارڈ ۴۰؍سال تک قائم رہا جب تک کہ محمد اشرفل (بنگلہ دیشی) کرکٹ کھلاڑی نے اسے بہتر نہیں کیا۔ 
 ان کی اگلی سنچری ۱۹۶۲ءمیں انگلینڈ کے خلاف آئی اور یہ ایک حیرت انگیز حقیقت تھی کہ انھیں اپنی اگلی سنچری کیلئےمزید ۹؍سال انتظار کرنا پڑا۱۹۷۰ءمیں وہ انگلینڈ کے خلاف سیریز میں کھیلے جسے بعد میں اس کی ٹیسٹ حیثیت سے محروم کر دیا گیا۔ ۱۹۷۳ءکےاوائل میں، انھوں نےسڈنی میں آسٹریلیا کے خلاف ۱۲۱؍اور ایک ماہ بعد نیوزی لینڈ کےخلاف ۲۰۱؍رن بنائے۔ بعد کے کھیل میں، وہ ڈینس اٹکنسن کے علاوہ واحد کرکٹ کھلاڑی بن گئے جنھوں نے ایک ٹیسٹ میچ میں ڈبل سنچری اسکور کی اور۵؍وکٹ لئے۔ انھوں نے ۸۶ء۳۳؍کے اوسط سے ۷۷۷؍رن بناکرسال کا اختتام کیا۔ مشتاق محمدنے۷۷۔ ۱۹۷۶ءسے ۷۹۔ ۱۹۷۸ءتک ۱۰؍ ٹیسٹ میچوں میں پاکستان کی کپتانی کی۔ اس دوران، انہوں نے ۱۲۱؍ اور ۵۶؍ رن بنائے اور ۷۷۔ ۱۹۷۶ءمیں پورٹ آف اسپین میں ویسٹ انڈیز کے خلاف۸؍ وکٹیں لے کر ویسٹ انڈیز کو غیر معمولی شکست دی۔ انھوں نے پاکستان کو ہندوستان کے خلاف صفر-۲؍ سےفتح دلانے کی قیادت کی جب دونوں ممالک نے ۷۹۔ ۱۸۷۸ء میں ۱۸؍برسوں میں ایک دوسرے کے خلاف پہلی سیریز کھیلی۔ مشتاق محمد کو ۱۹۷۰ءکی دہائی میں ریورس سویپ استعمال کرنے والے پہلے کرکٹرز میں شمار کیا جاتا ہے۔ انھوں نے۷۰ء کی دہائی کے آخر میں کیری پیکر کی ورلڈ سیریز کرکٹ میں شمولیت اختیار کی۔ 
 مشتاق محمد نے ۵۷؍ٹیسٹ میچوں کی ۱۰۰؍اننگزمیں ۷؍مرتبہ ناٹ آئوٹ رہ کر۳۶۴۳؍رن بنائے جس میں ۲۰۱؍ان کا سب سےبڑا سکور تھا۔ ۳۹ء۱۰؍کے اوسط سے بنائے گئے ان رنزوں میں ۱۰؍سنچریاں اور ۱۹؍ نصف سنچریاں بھی شامل تھیں انھوں نے۵۰۲؍ میچزکےفرسٹ کلاس کریئرمیں ۷۲؍سنچریاں اور ۱۵۹؍نصف سنچریاں اسکور کیں۔ مشتاق محمد پہلے پاکستانی تھے جنھوں نے ۳۱؍ ہزار ۹۱؍ فرسٹ کلاس رن بنائے۔