گزشتہ دن فلسطین کی فٹ بال ٹیم نے لبنان کی ٹیم کے خلاف میچ ڈرا کرکے فیفا ورلڈ کپ کے فائنل کوالیفائنگ راؤنڈ میں پہنچ گیا ہے۔ فلسطینی ٹیم کا اگلا مقابلہ ۱۱؍ جون کو آسٹریلیا کے خلاف ہوگا۔

فلسطین نے دوحہ میں لبنان کے خلاف میچ میں پہلی بار فیفا ورلڈ کپ کوالیفائر کے تیسرے راؤنڈ میں جگہ بنا کر تاریخ رقم کی۔ قطر میں کھیلنے والی ٹیم اپنے گروپ میں دوسرے نمبر پر ہے اور لبنان سے پانچ پوائنٹس آگے ہے جبکہ ایک میچ ہونا ابھی باقی ہے۔ خیال رہے کہ ۹؍ گروپوں میں سے ہر ایک کی سرفہرست دو ٹیمیں فیفا ورلڈ کپ ۲۰۲۶ء کے فائنل کوالیفائنگ راؤنڈ میں پہنچتی ہیں۔ ٹیم کے منیجر مکرم دابوب کے فلسطینی کطلاڑی ۱۱؍ جون کو آسٹریلیا سے مقابلہ کریں گے۔
واضح رہے کہ فیفا، فٹ بال ورلڈ کپ کا انتظام سنبھالتا ہے لیکن اس نے فلسطین پر اسرائیلی نسل کشی کے خلاف کارروائی کرنے کی فلسطینی درخواستوں میں خاطر خواہ پیش رفت نہیں کی ہے۔ جب روس نے یوکرین پر حملہ کیا تھا تو اس نے کچھ دن بعد ہی روس کی ٹیم کو فیفا سے معطل کر دیا تھا۔ فٹ بال کی عالمی گورننگ باڈی فیفا نے مئی میں کہا تھا کہ وہ اسرائیل کو بین الاقوامی میچوں سے معطل کرنے کی فلسطینی تجویز پر فیصلہ کرنے کیلئے جولائی میں فیصلہ کرے گا۔ 

یہ بھی پڑھئے:غزہ میں اسرا ئیلی جنگ کے نتیجے میں بے روزگاری کی شرح ۸۰؍ فیصد ہو گئی ہے: یو اینا

فلسطین فٹ بال اسوسی ایشن (پی ایف اے) کے صدر جبریل رجب نے ۲۱۱؍ رکنی اسوسی ایشنز کے مندوبین سے خطاب کرتے ہوئے کہا تھا کہ ’’میں آپ سبھی سے درخواست کرتا ہوں کہ آپ درست تاریخ کا ساتھ دیں … اگر ابھی نہیں تو کب؟فیفا ان خلاف ورزیوں یا فلسطین میں جاری نسل کشی سے لاتعلق رہنے کا متحمل نہیں ہو سکتا۔‘‘محصور غزہ میں اسرائیل کی نسل کشی کی جنگ کے پس منظر میں، فلسطینی ٹیم نے پہلے ہی اس سال ایشین کپ کے ناک آؤٹ مرحلے میں ڈیبیو کر کے فٹبال کی تاریخ کا ایک حصہ اپنے نام کر لیا ہے۔
اسرائیل کے حملوں میں کئی فلسطینی کھلاڑی محصور انکلیو میں اپنے عزیزوں اور رشتہ داروں کو کھو چکے ہیں۔ گزشتہ جنوری میں ایشیائی کپ آف نیشنز کی قیادت میں، فلسطینی اسٹرائیکر محمود وادی کو یہ خبر ملی تھی کہ اسرائیل نے غزہ میں ان کے کزن کو قتل کر دیا ہے۔ ابراہیم ابومیر، احمد کلاب اور خالد النبریس سمیت کھلاڑی گزشتہ نومبر میں محصور غزہ میں پھنس جانے کے بعد لائنز آف کنعان میں شامل نہیں ہو سکے تھے۔