آسٹریلیا کیخلاف دوسرے ٹیسٹ میں میدان پر آتے ہی ان کے ۱۰۰؍ ٹیسٹ پورے ہوں گے

چتیشور پجارا جب۱۷؍ فروری کو دہلی میں آسٹریلیا کے خلاف دوسرے ٹیسٹ میں میدان پر اتریں گے تو ہندوستانی کرکٹرس کی ایلیٹ لسٹ میں شامل ہوجائیں گے۔ چتیشور پجارا۱۰۰؍ ٹیسٹ میچ کھیلنے والے۱۳؍ویں ہندوستانی کرکٹر بن جائیں گے۔ آسٹریلیا کے خلاف یہ سنگ میل حاصل کرنا تقریباً یقینی ہے۔ پجارا موجودہ ٹیم میں ۱۰۰؍ٹیسٹ کھیلنے والے دوسرے کرکٹر ہوں گے۔ وراٹ کوہلی نے اپنا۱۰۰؍ واں میچ مارچ۲۰۲۲ء میں سری لنکا کے خلاف موہالی میں کھیلاتھا۔
 اتفاق سے، پجارا نے۲۰۱۰ء میں بنگلور میں آسٹریلیا کے خلاف اپنے ٹیسٹ کریئر کاآغاز کیا تھا اور وہ اس بات کا فوری اشارہ تھا کہ اگلی دہائی میں کیا ہونے والا تھا۔ اپنے پہلے ٹیسٹ کی دوسری اننگز میں، پجارا کو راہل دراوڑ سے آگے نمبر۳؍ پر ترقی دی گئی اور۷۲؍ رن بنائے جب ہندوستان نے۲۰۷؍ رن کا تعاقب کرتے ہوئے سیریز۰۔۲؍سے جیت لی۔ اپنے شاندارآغاز کے بعد سےپجارا نے آسٹریلیا کے خلاف۲۰؍ ٹیسٹ میچ کھیلے ہیں اور ہندوستان کے سخت ترین حریفوں کے خلاف ایک بہترین ریکارڈ پر فخر کیا ہے۔ پجارا نے آسٹریلیا کے خلاف۲۱؍ میچوں میں۵۲ء۷۷؍ کے اوسط سے۱۹۰۰؍ رن بنائے ہیں جس میں۵؍ سنچریاں اور۱۰؍ نصف سنچریاں شامل ہیں۔۱۹۔۲۰۱۸ء میں ہندوستان کے آسٹریلیا کے دورے پر، پجارا۴؍ ٹیسٹ میں۵۲۱؍ رن کے ساتھ بیٹنگ چارٹ میں سرفہرست رہے کیونکہ ہندوستان نے اس ملک میں اپنی پہلی ٹیسٹ سیریز جیتی تھی۔ٹیم انڈیا اچھا مقابلہ کیا تھا۔