ہندوستان کی اسٹار شٹلر اور دو بار کی اولمپک تمغہ یافتہ پی وی سندھو نے سنیچر کو سید مودی انڈیا انٹرنیشنل ایچ ایس بی سی ورلڈ ٹور سپر ۳۰۰؍ بیڈمنٹن چمپئن شپ۲۰۲۴ء کے ویمنز سنگلز سیمی فائنل میں ہم وطن انّتی ہڈا کے خلاف۱۲۔ ۲۱، ۹۔ ۲۱؍ کی آسان کامیابی حاصل کر کے مقابلے کے فائنل میں داخلہ حاصل کرلیا۔

ہندوستان کی اسٹار شٹلر اور دو بار کی اولمپک تمغہ یافتہ پی وی سندھو نے سنیچر کو سید مودی انڈیا انٹرنیشنل ایچ ایس بی سی ورلڈ ٹور سپر ۳۰۰؍ بیڈمنٹن چمپئن شپ۲۰۲۴ء کے ویمنز سنگلز سیمی فائنل میں ہم وطن انّتی ہڈا کے خلاف۱۲۔ ۲۱، ۹۔ ۲۱؍ کی آسان کامیابی حاصل کر کے مقابلے کے فائنل میں داخلہ حاصل کرلیا۔ بی بی ڈی اسپورٹس اکیڈمی کے بیڈمنٹن کورٹ نمبر ایک پر کھیلے جانے والے سیمی فائنل میں ہریانہ کی ۱۷؍ سالہ کھلاڑی نے ابتدائی راؤنڈ میں تجربہ کار سندھو کو ٹکر دینے کی کوشش کی تاہم سندھو نے جلد ہی گیئر تبدیل کرتے ہوئے جارحانہ کھیل کا مظاہرہ کیا۔ سندھو نے نوجوان کھلاڑی کو شاندار اسمیش اور ڈراپس کے ساتھ کورٹ پر خوب دوڑایا اور پہلا گیم ۲۱۔ ۲۱؍ سے جیت لیا۔ 
 دوسرے گیم میں ہڈا کے انداز کو محسوس کرتے ہوئے سندھو نے طاقتور اسمیش شاٹس لگائے جس کا کم تجربہ کار کھلاڑی کے پاس کوئی جواب نہیں تھا اور یہ گیم بھی آسانی سے۹۔ ۲۱؍ کے اسکور کے ساتھ سندھو کے حق میں چلا گیا۔ میچ کے بعد سندھو نے کہا ’’میں اپنے کھیل میں مسلسل بہتری کر رہی ہوں۔ کل کے میچ میں چینی حریف کے خلاف جیت سے میرے اعتماد میں اضافہ ہوا ہے اور میں نے سنیچر کے میچ میں کم غلطیاں کی ہیں۔ ‘‘ہڈا کی تعریف کرتے ہوئے انہوں نے کہا ’’نوجوان کھلاڑی میں کافی ٹیلنٹ ہے۔ وہ بہت اچھا کھیلیں۔ ہر کھلاڑی کیلئے کچھ کرنے کا نیا دن ہوتا ہے اور انہوں نے پیرس اولمپکس کی مایوسی سے سنبھلنے کے بعد اپنی کارکردگی کو بہتر بنانے پر توجہ مرکوز کردی ہے۔ ‘‘