ہندوستانی ٹیم کے کپتان کی درجہ بندی میں ۲؍ نمبر کی گراوٹ درج کی گئی۔ شبھمن گل ٹاپ پوزیشن پر برقرار

 ون ڈے رینکنگ میں  ہندوستانی کپتان روہت شرما کی ۲؍ درجے تنزلی انٹرنیشنل کرکٹ کونسل (آئی سی سی) نے ون ڈے پلیئرس کی نئی رینکنگ جاری کر دی۔ ون ڈے بیٹرس کی رینکنگ میں ہندوستان کے شبھمن گل کا پہلا نمبر برقرار ہے جبکہ پاکستان کے بابر اعظم دوسرے نمبر پر موجود ہیں۔ جنوبی افریقہ کے اینرک کلاسن ایک درجے ترقی کے بعد تیسرے نمبر پر آگئے۔
  ہندوستان کے وراٹ کوہلی پانچویں سے چوتھے نمبر پر آگئے جبکہ  ٹیم انڈیا کے کپتان روہت شرما ۲؍ درجے تنزلی کے بعد پانچویں نمبر پر چلے گئے۔ افغانستان کے ابراہیم زدران ۱۳؍ درجے ترقی کے بعد۱۰؍ ویں نمبر پر آگئے اور آسٹریلیا کے اسٹیو اسمتھ  ۲؍ درجے ترقی کے بعد۱۶؍ویں نمبر پر آگئے۔
دوسری جانب ون ڈے بولرس میں سری لنکا کے مہیش تھیکشانا کا پہلا نمبر ہے جبکہ جنوبی افریقہ  کے کیشو مہاراج۲؍ درجے ترقی کے بعد دوسرے نمبر پر آگئے۔ نیوزی لینڈ کے میٹ ہنری ۳؍ درجے ترقی کے بعد تیسرے نمبر پر آ گئے جبکہ پاکستان کے شاہین آفریدی بولرس کی رینکنگ میں ۹؍ویں نمبر پر موجود ہیں۔ہندوستان  کے محمد سمیع۳؍ درجے ترقی کے بعد ۱۱؍ویں نمبر پر آگئے اور جنوبی افریقہ کے مارکو جانسن  ۹؍ درجے ترقی کے بعد۱۸؍ویں نمبر جبکہ انگلینڈ کے جوفرا آرچر۱۳؍ درجے ترقی کے بعد۲۱؍ ویں نمبر پر موجود ہیں۔