صنعت کار رتن ٹاٹا کے انتقال پر دنیائے کھیل میں غم کی لہر، کھلاڑیوں نے تعزیتی پیغام میں انہیں سونے کے دل والا شخص قرار دیا۔

ٹاٹا سنز کے چیئرمین ایمریٹس رتن ٹاٹا بدھ کی رات ممبئی کے بریچ کینڈی اسپتال میں ۸۶؍سال کی عمر میں انتقال کر گئے۔ اس خبر نے پورے ملک کو ہلا کر رکھ دیا ہے۔ ساتھ ہی دنیائے کھیل سے تعلق رکھنے والے کھلاڑیوں نے سوشل میڈیا پر صنعت کار رتن ٹاٹا کے انتقال پر غم کا اظہار کرتے ہوئے کہا کہ وہ سونے کے دل والے شخص تھے۔ 
روہت شرما: ٹیم انڈیا کے کپتان روہت شرما نے کہا کہ رتن ٹاٹا کو ایسے شخص کے طور پر یاد رکھا جائے گا جو حقیقی طور پر دوسروں کا خیال رکھتے تھے۔ روہت نے ’ایکس‘پر لکھا’’ `ایک ایسا شخص جو دوسروں کی پرواہ کرتے تھے، ان کاسونے کا دل تھا۔ سر، آپ کو ہمیشہ ایک ایسے شخص کے طور پر یاد رکھا جائے گا جس نے اپنی زندگی دوسروں کی بہتری کے لئے صحیح معنوں میں دیکھی اور گزاری۔ 
 سچن تینڈولکر:’ایکس‘ پر تصویر شیئر کرتے ہوئے سچن تینڈولکر نے لکھا’’ شری رتن ٹاٹا کی موت نے پورے ملک کو ہلا کر رکھ دیا ہے۔ مجھے ان کے ساتھ وقت گزارنے کا شرف حاصل ہوا، لیکن لاکھوں لوگ جو ان سے کبھی نہیں ملے، وہ بھی اسی طرح کا دکھ محسوس کر رہے ہوں گے جو آج میں محسوس کر رہا ہوں۔ ان کا اثر ایسا ہی ہے۔ جانوروں سے اپنی محبت سے لے کر انسان دوستی تک، انہوں نے دکھایا کہ حقیقی ترقی صرف اس وقت حاصل کی جا سکتی ہے جب ہم ان لوگوں کا خیال رکھیں جن کے پاس اپنی دیکھ بھال کرنے کے ذرائع نہ ہوں۔ اب آرام کریں، مسٹر ٹاٹا۔ آپ کی میراث آپ کے بنائے ہوئے اداروں کے ذریعے زندہ رہے گی جن کی آپ نے حمایت کی۔ 
 نیرج چوپڑہ:ڈبل اولمپک میڈلسٹ نیرج چوپڑہ نے اپنے آفیشل ’ایکس‘ ہینڈل پر کہا کہ تجربہ کار صنعتکار ایک وژنری تھے اور پورے ملک کو متاثر کرتے تھے۔ انہوں نے لکھا’’ `سر رتن ٹاٹا جی کے انتقال کی خبر سن کر مجھے بہت دکھ ہوا۔ میں ان کے ساتھ ہونے والی گفتگو کو کبھی نہیں بھولوں گا۔ انہوں نے پورے ملک کو متاثر کیا۔ میں دعا گو ہوں کہ ان کے چاہنے والوں کو صبر ملے۔ اوم شانتی۔ ‘‘
وی ایس لکشمن:ہمارے ملک کے عظیم شخصیت میں سے ایک کے طور پر ایک دور کا خاتمہ، شری رتن ٹاٹا جی کے انتقال سے ہوگیا۔ ملک کیلئے ان کی انمول شراکت اور ایک ناقابل یقین رول ماڈل ہونے کیلئے ہمیشہ یاد رکھے جائیں گے۔ دنیا بھر میں ان کے تمام خیر خواہوں اور مداحوں سے دلی تعزیت۔ 
عرفان پٹھان: ٹیم انڈیا کے سابق کرکٹر عرفان پٹھان نے کہا کہ رتن ٹاٹا صرف ایک کاروباری رہنما نہیں بلکہ لاکھوں لوگوں کے لئے حقیقی تحریک تھے۔ انہوں نے سوشل میڈیا پر لکھا ’’شری رتن ٹاٹا جی کو کھونے سے بہت دکھی ہوں۔ وہ صرف ایک کاروباری رہنما نہیں تھے بلکہ لاکھوں لوگوں کے لئے ایک حقیقی تحریک تھے۔ ان کی لگن، دیانتداری اور ہندوستان کی ترقی پر اثر بے مثال ہے۔ ہم نے ایک لیجنڈ کھو دیا ہے، لیکن ان کی میراث ہمیشہ زندہ رہے گی۔ 
وریندر سہواگ: سابق کرکٹر وریندر سہواگ نے کہا کہ ہندوستان نے ایک حقیقی ’ رتن‘ کو کھو دیا۔ `ہندوستان کے سب سے قابل احترام اور ہر دل عزیز صنعتکاروں میں سے ایک نے ٹاٹا گروپ کو نئی بلندیوں تک پہنچایا۔ انسان دوستی سمیت مختلف شعبوں میں اپنی شراکت کے ذریعے ملک کی ترقی میں قابل قدر اپنا رول ادا کیا۔ 
محمد سمیع: تیزگیندباز محمد سمیع نے لکھا کہ ’’ رتن ٹاٹا سر، آپ نے اپنی پوری زندگی ہمارے ملک کی ترقی کے لئے وقف کر دی۔ آپ کی عاجزی، دور اندیشی اور ہمدردی ہمیشہ ہمیں متاثر کرتی رہے گی۔ 
جے شاہ: بی سی سی آئی کے سیکریٹری جے شاہ نے اپنے پیغام میں کہا کہ’’ میں شری رتن ٹاٹا جی کے انتقال سے بہت افسردہ ہوں۔ ان کی قیادت، دیانتداری اور معاشرے کیلئے لگن نے ایک قابل ذکر معیار قائم کیا ہے۔ ان کے چاہنے والوں سے میری تعزیت۔ ‘‘ بی سی سی آئی نے شری رتن ٹاٹا جی کے انتقال پر گہرے دکھ کا اظہار کرتا ہے اور پورےملک کے ساتھ تعزیت کا اظہار کرتا ہے۔ مختلف شعبوں میں ان کی انمول شراکت نے ہندوستان کی ترقی اور کامیابی کی کہانی کو تشکیل دینے میں اہم کردار اداکیا ہے۔ جذبہ، ہمدردی، بصیرت قیادت، جدت طرازی کے اصولوں پر مبنی ان کی غیر معمولی میراث آنے والے برسوں میں آنے والی نسلوں کی حوصلہ افزائی اور رہنمائی کرتی رہے گی۔ 
 سوریہ کمار یادو: ایک دور کا خاتمہ۔ سب سے زیادہ تحریک آمیز، ایک حیرت انگیز شخص۔ سر آپ نے بہت سے دلوں کو چھوا ہے۔ آپ کی زندگی ملک کیلئے باعث رحمت ہے۔ آپ کی لامتناہی اور غیر مشروط خدمت کے لئے آپ کا شکریہ۔ آپ کی میراث ہمیشہ زندہ رہے گی۔ 
یوسف پٹھان: شری رتن ٹاٹا جی کے انتقال پر دلی تعزیت۔ ان کی شاندار قیادت، عالمی حصول اور انسان دوستانہ کوششوں نے لاکھوں لوگوں کی زندگیوں پر دیرپا اثر ڈالا ہے۔ ان کی میراث ہمیشہ ہمیں متاثر کرتی رہے گی۔ ہمیں ان سے تحریک حاصل کرنے کی ضرورت ہے۔ 
سریش رائنا: ہندوستان نے ایک حقیقی آئیڈیل کھو دیا ہے۔ رتن ٹاٹا سر کی دور اندیش قیادت، ہمدردی اور انسان دوستی اور غیر متزلزل عزم نے ہمارے ملک اور دنیا پر انمٹ نقوش چھوڑے ہیں۔ ان کی وراثت ہم سب کو متاثر کرتی رہے گی۔