ٹیم انڈیا کے کپتان روہت نے انگلش ٹیم کے سامنے ۱۱۹؍رن بنائے۔کچھ ریکارڈس بھی اپنے نام کئے۔ ٹیم کی اچھی کارکردگی۔

ٹیم انڈیا کے کپتان روہت شرما کا فارم کافی دنوں سے موضوع بحث تھا۔ نیوزی لینڈ سیریز کے بعد آسٹریلیا کے دورے پر بھی روہت کا بلہ خاموش رہا۔ ناگپور میں انگلینڈ کے خلاف پہلے ون ڈے میں بھی ان کے بلے نے کوئی رن نہیں بنایا۔ روہت بالآخر کٹک میں اپنے فارم میں واپس آگئے ہیں۔ ہندوستانی ٹیم کے کپتان روہت سنچری کے ساتھ فارم میں واپس آئے ہیں اور کٹک میں روہت نے شروع سے ہی اپنا پرانا فارم دکھایا۔  ہٹ مین کے نام سے مشہور روہت نے کچھ شاندار چھکے مار کر کرس گیل کا ون ڈے میں سب سے زیادہ چھکوں کا ریکارڈ توڑ دیا۔ گیل کے ون ڈے میں کل ۳۳۱؍ چھکے ہیں۔ روہت اس کے ساتھ ہی آگے بڑھ گئے ہیں۔ روہت نے ۲۲؍ رن اسکور کرتے ہی ہندوستان کے سابق کپتان راہل دراوڑ کو پیچھے چھوڑ دیا۔ اب روہت نے ون ڈے میں سب سے زیادہ رن بنانے کے معاملے میں راہل کو پیچھے چھوڑ دیا ہے۔ روہت شرما نے شروع سے ہی انگلینڈ کے گیند بازوں پر دباؤ ڈالا۔ وہ فارم میں آ رہے تھے جب خراب روشنی کی وجہ سے میچ روک دیا گیا۔ ایسا لگ رہا تھا کہ روہت اپنا فارم گنوا دیں گے۔ تقریباً آدھے گھنٹے کے بعد جب میچ شروع ہوا تو روہت نے آتے ہی چوکا لگایا۔ روہت نے اپنا  فارم نہیں گنوایا تھا۔ انہوں نے نویں اوور کی چوتھی گیند پر چوکا لگا کر اپنی نصف سنچری مکمل کی۔ یہ روہت کی۵۸؍ ویں ون ڈے نصف سنچری تھی۔ اپنی نصف سنچری مکمل کرنے کے بعد روہت نے آسمان کی طرف دیکھا اور خدا کا شکر ادا کیا۔   خیال رہے کہ روہت نے اس سے قبل۱۱؍ اکتوبر کو افغانستان کے خلاف ون ڈے میں سنچری بنائی تھی۔ یہ ایک روزہ ورلڈ کپ کا میچ تھا جو دہلی میں کھیلا گیا تھا۔  روہت نے۷۶؍ گیندپر اپنی سنچری مکمل کی۔ یہ ان کے کریئر کی۳۲؍ویں سنچری ہے۔ انہو ںنے اتوارکو کٹک میں آؤٹ ہونے سے قبل ۱۱۹؍رن بنائے۔ شبھمن گل نے ۶۰؍رن بنائے تھے۔ 
ہندوستان نے یکروزہ سیریز میں ناقابل تسخیر برتری حاصل کرلی
 کٹک(ایجنسی): جو روٹ(۶۹؍رن) ، بین ڈکٹ(۶۵؍رن) اور لیام لیونگ اسٹون (۴۱؍ رن ) کی اہم اننگز کی بدولت انگلینڈ نے اتوار کو دوسرے ون ڈے میں   ۳۰۴؍ رن بنائے۔ ہندوستان کی ٹیم نے روہت کے ۱۱۹؍رن اور شبھمن گل کے ۶۰؍رن کی بدولت دوسرا یکروزہ میچ۴؍وکٹ سے جیت لیا۔ ہندوستانی ٹیم نے ۴۴ء۳؍اوور میں ۶؍وکٹ پر ۳۰۸؍رن بناکر میچ جیت لیا۔ ٹیم انڈیا نے سیریز میں ۰۔۲؍ کی ناقابل تسخیر برتری حاصل کرلی ہے۔ انگلینڈ کے کپتان جوس بٹلر نے  بارابتی اسٹیڈیم میں ٹاس جیت کر پہلے بلے بازی کا فیصلہ کیا۔ بلے بازی کیلئے  آتے ہوئے فل سالٹ اور بین ڈکٹ کی اوپننگ جوڑی نے اچھی شروعات کی اور پہلے وکٹ کیلئے ۸۱؍رن  جوڑے۔