ورلڈ ایتھلیٹکس کے سربراہ سیباسٹین کو جانتے ہیں کہ ہندوستان میں کرکٹ کسی مذہب سے کم نہیں ہے لیکن ان کا  خیال ہے کہ اسے دوسرے کھیلوں کی راہ میں رکاوٹ کے طور پر نہیں دیکھا جانا چاہیے کیونکہ نیرج چوپڑا جیسے چمپئن پیدا کر کے دیگر کھیل کرکٹ کے تسلط کو توڑ سکتے ہیں۔

ورلڈ ایتھلیٹکس کے سربراہ سیباسٹین کو جانتے ہیں کہ ہندوستان میں کرکٹ کسی مذہب سے کم نہیں ہے لیکن ان کا  خیال ہے کہ اسے دوسرے کھیلوں کی راہ میں رکاوٹ کے طور پر نہیں دیکھا جانا چاہیے کیونکہ نیرج چوپڑا جیسے چمپئن پیدا کر کے دیگر کھیل کرکٹ کے تسلط کو توڑ سکتے ہیں۔ واضح رہے کہ آئندہ سال ہونے والے انٹرنیشنل اولمپک کمیٹی کے انتخابات میں صدر کے عہدے کا دعویدار سیباسٹین کو گزشتہ ۲؍دنوں سے ہندوستان میں  ہیں۔ انہوں نے وزیر اعظم نریندر مودی اور وزیر کھیل من سکھ مانڈویہ سے ملاقات کی اور ہندوستانی کھیلوں کی ترقی کے بارے میں بات چیت کی اور ہندوستان کی کھیلوں کی سپر پاور بننے کی صلاحیت پر اعتماد کا اظہار کرتے ہوئے کہا کہ جب آپ کے پاس نیرج جیسا کھلاڑی ہوگا تو آپ دیگر کھیلوں میں بھی اچھا کام کرسکتے ہیں، چیلنج  پیشکر سکتے ہیں۔ یہ ضروری ہے کہ ہندوستان کے پاس ایسے کھلاڑی ہیں جو عوام اور نشریاتی اداروں میں مقبول ہیں۔ نیرج میں یہ خوبی ہے۔ 
سیباسٹین کو نے کہا کہ ہم جانتے ہیں کہ ہندوستان میں کرکٹ ایک مذہب کی طرح ہے۔ کرکٹ کو رکاوٹ نہ سمجھا جائے کیونکہ ہر ملک میں ایسے کھیل ہوتے ہیں جو غالب رہتے ہیں۔ برطانیہ کے پاس فٹ بال ہے لیکن ہمارے پاس ٹریک اینڈ فیلڈ میں بھی بہترین ٹیمیں ہیں، ہمیں جو ہے اسے قبول کرنا ہوگا۔ آپ یہ سوچ کر نہیں بیٹھ سکتے کہ ہندوستان میں کرکٹ یا فٹ بال یا کوئی اور کھیل مضبوط ہے۔ یہ سوچ کر کوئی ہار قبول نہیں کر سکتا۔
وزیر اعظم مودی سے ملاقات کے بارے میں انہوں نے کہا کہ میں باہمی بات چیت کا انکشاف نہیں کروں گا لیکن ہم نے ہندوستان میں بڑے منتظمین کی اہمیت کے بارے میں بات کی۔ انہوں نے واضح طور پر کہا کہ بڑے ٹورنامنٹ نہ صرف بہتر مقابلہ فراہم کرتے ہیں بلکہ معاشرے بالخصوص نوجوانوں کی ذہنی اور جسمانی صحت پر بھی بہت زیادہ اثر ڈالتے ہیں۔ وہ چاہتے  ہیں کہ ہندوستان میں بڑے ٹورنامنٹ منعقد ہوں۔ سیباسٹین کو نے کہا کہ ہندوستان نے انڈر ۔۲۰؍ورلڈ ایتھلیٹکس چمپئن شپ کی میزبانی کے حقوق کیلئے بولی لگائی ہے۔