ٹیم انڈیا کے آل راؤنڈر نے کہا:بارڈر-گاوسکر ٹرافی کے بعد یا ویسٹ انڈیز میں ون ڈے میچ جیتنے کے بعد، میرا اعتماد بڑھ گیا تھا

چمپئن  ٹرافی کے گروپ میچ میں نیوزی لینڈ کے خلاف۴۲؍ رن بنانے والے اکشر پٹیل کا ماننا ہے کہ ویسٹ انڈیز میں ون ڈے میچ میں اچھی بلے بازی کرنے اور ٹیم کو فتح سے ہمکنار کرنے کے بعد ان کی خود  اعتمادی میں اضافہ ہوا ہے۔
 میچ کے بعد  پریس کانفرنس میں بات چیت کرتے ہوئے اکشر نے کہا کہ ’’بارڈر-گاوسکر ٹرافی کے بعد یا ویسٹ انڈیز میں ون ڈے میچ جیتنے کے بعد، میرا اعتماد بڑھ گیا تھا۔ میرے پاس مہارت تھی، لیکن میں اس کا مظاہرہ نہیں کر پا رہا تھا۔ جیسے ہی ایک  اننگز آئی تو میں نے نہیں سوچا کہ  بیٹنگ کا مظاہرہ کرنے کا یہ صحیح موقع ہے۔ ٹیمپرامنٹ کے بارے میں بات چیت کرتے ہوئے، جب آپ مسلسل اچھی کارکردگی کا مظاہرہ کرتے ہیں تو آپ زیادہ  سوچتے نہیں ہیں۔ ابھی مجھے پتہ ہے کہ میرا وقت صحیح  چل رہا ہے۔‘‘
اکشر نے کہا’’وراٹ بھائی اور شریس ایّر اچھا کر رہے ہیں، تو میں نہیں سوچتا اور اوپر کھیلوں۔ جب بھی مجھے موقع ملتا ہے میں سوچتا ہوں کہ ٹیم کو کیا ضرورت ہے۔  جب نچلی ترتیب میں کھیلتا تھا تو تیزی سے رن بنانے ہوتے تھے۔ اب میں جانتا ہوں کہ میرے پیچھے بلے باز ہیں اور میں بھی حالات کے مطابق کھیل سکتا ہوں۔ میچ کی صورتحال پر منحصر ہے، جیسے اسپنر کو ہٹ کرنا یا اگر آج کی طرح شراکت   کی ضرورت تھی، ہم نے بھی وہی کیا۔‘‘
انہوں نے کہا کہ ’’ہم سب ورون سے خوش ہیں۔ ہم نے پہلے دو میچ جیتے تھے۔ وہ آخری بار  ٹی ۲۰؍ ورلڈ کپ میں کھیلے تھے۔ یہ اتنا آسان نہیں ہے۔ وہاں حالات ٹھیک نہیں تھے، اس کے بعد انہوں نے دکھایا کہ وہ ذہنی طور پر کتنا مضبوط ہو گیا ہے۔  ٹی۲۰؍ کے بعد انہوں نے یہاں بھی اچھی کارکردگی کا مظاہرہ کیا۔‘‘
 میں دو تین  برسوں سے سست گیند کرنے کی کوشش کر رہا ہوں۔ ان حالات میں میں سست اور تیز دونوں طرح کی بولنگ کر رہا ہوں۔ جب آپ وکٹ حاصل کرتے ہیں تو آپ کے حوصلوں میں  اضافہ ہوتا ہے۔