کھیلوں کی دنیا ان کھلاڑیوں کے لیےکوئی اجنبی نہیں ہے جو عالمی سطح پر بڑی کامیابی حاصل کرنے کے لیے مشکلات پر قابو پاتے ہیں۔

کھیلوں کی دنیا ان کھلاڑیوں کے لیےکوئی اجنبی نہیں ہے جو عالمی سطح پر بڑی کامیابی حاصل کرنے کے لیے مشکلات پر قابو پاتے ہیں۔ ان تمام مشکلات سے بچنے والی داستانوں کے درمیان، نوعمر ہندوستانی پیرا آرچر شیتل دیوی کی کہانی بہت نمایاں ہے۔ شیتل ایک ہندوستانی پیرا تیرا انداز ہیں۔ انہوں نے۲۰۲۴ءپیرالمپکس میں مکسڈ ٹیم کمپاؤنڈایونٹ میں کانسہ کا تمغہ جیتا۔ اس فتح کے بعد وہ سب سے کم عمر ہندوستانی پیرا لمپیئن میڈلسٹ بنیں۔ انہوں نے۲۰۲۲ءکےایشین پیرا گیمز میں ۲؍گولڈ میڈل اور ایک سلور جیتا تھا۔ شیتل نے ورلڈ پیرا آرچری چمپئن شپ میں چاندی کا تمغہ جیتا تھا، ساتھ ہی انہوں نے ایشین پیرا آرچری چمپئن شپ میں سونے اور چاندی کا تمغہ جیتا تھا۔ 
 شیتل دیوی۱۰؍جنوری۲۰۰۷ءکوجموں کشمیر کے ضلع کشتواڑکے گاؤں لوئیدھرمیں پیدا ہوئیں۔ وہ فوکومیلیا نامی مرض کے ساتھ پیدا ہوئی تھی، یہ ایک نایاب پیدائشی عارضہ ہے جس کی وجہ سے اعضاء کمزورہوجاتےہیں۔ جب ان کی پیدائش ہوئی تو اس عارضہ کے سبب ان کے بازو پوری طرح سے نہیں بن پائےتھے۔ اور وہ بغیر بازؤں کے ہی پیدا ہوئیں۔ ایک ایسی جسمانی حالت کے ساتھ پیدا ہونے کے باوجود جس میں موروثی چیلنجز کا سامنا کرنا پڑتاہے، شیتل دیوی ایتھلیٹک کے طورپر باصلاحیت ثابت ہوئیں۔ ان کی اپنی حدود نے انہیں اپنےبچپن کا زیادہ سے زیادہ فائدہ اٹھانے سے کبھی نہیں روکا۔ شیتل جب بڑی ہوئی، اپنے جسمانی حالات دیکھ کر بھلے ہی ان کو افسوس ہوا لیکن انہوں نےبچپن میں ہی اپنے کو آپ کو بہت مضبوط بنالیا تھا۔ اپنے مضبوط اور مستحکم ارادوں کے ساتھ وہ پلی بڑھیں۔ بچپن شیتل ایک تفریح کے طور پر درختوں پر چڑھنےسے لطف اندوز ہوتی تھی۔ اس سرگرمی نے انہیں ایک مضبوط اوپری جسم بنانے میں مدد کی جو بعد میں ان کی زندگی میں بہت کارآمد ثابت ہوا۔ 
 شیتل دیوی نےپیرس۲۰۲۴ءپیرالمپکس میں راکیش کمار کے ساتھ مل کر مکسڈ کمپاؤنڈ آرچری ٹیم ایونٹ میں کانسےکا تمغہ جیت کر تاریخ رقم کی۔ صرف ۱۷؍سال کی عمر میں، وہ ہندوستان کی سب سے کم عمر پیرالمپک تمغہ جیتنے والی اور تاریخ میں صرف دوسری بازو لیس آرچر بن گئی جس نے پیرا اولمپک تمغہ جیتا۔ ۲۰۲۳ءمیں، شیتل دیوی کا شاندار ڈیبیو سیزن ورلڈ آرچری پیرا چمپئن شپ میں انفرادی چاندی کے ساتھ شروع ہوا، جو مقابلے کی تاریخ میں تمغہ جیتنے والی پہلی خاتون آرچربن گئی۔ اس تمغے نے شیتل کو پیرس ۲۰۲۴ءپیرالمپکس کے لیے ہندوستان کا کوٹہ حاصل کرنےمیں بھی مدد کی۔ اکتوبر میں ایشین پیرا گیمز ۲۰۲۳ءمیں اس کا متاثرکن سیزن جاری رہا۔ اس نےخواتین کے ڈبلزمقابلے میں چاندی کا تمغہ جیتنے کے علاوہ انفرادی کمپاؤنڈ اور مکسڈ ٹیم ایونٹس میں گولڈ میڈل حاصل کیا۔ 
 گزشتہ سال یعنی۹؍جنوری۲۰۲۴ءکو، شیتل دیوی نے راشٹر پتی بھون میں صدر جمہوریہ ہند، دروپدی مرموسےارجن ایوارڈ ۲۰۲۳ءحاصل کیا۔ شیتل دیوی کو ایشین پیرا لمپک کمیٹی کی طرف سے ۲۰۲۳ءکابہترین یوتھ ایتھلیٹ کا خطاب دیا گیا۔ ورلڈ آرچری کی طرف سے ۲۰۲۳ءکی بہترین خواتین پیرا آرچرکے طور پر نوازا گیا۔