انڈین پریمیر لیگ (آئی پی ایل) کی فرنچائز پنجاب کنگز نے تجربہ کار بلے باز شریس ایر کو لیگ کے آئندہ سیزن کے لئے کپتان بنانے کا اعلان کیا ہے۔

انڈین پریمیر لیگ (آئی پی ایل) کی فرنچائز پنجاب کنگز نے تجربہ کار بلے باز شریس ایر کو لیگ کے آئندہ سیزن کے لئے کپتان بنانے کا اعلان کیا ہے۔ دائیں ہاتھ کے بلے باز، جنہیں فرنچائز نے دسمبر ۲۰۲۴ء میں نیلامی میں خریداکیا تھا، ہیڈ کوچ رکی پونٹنگ کے ساتھ دوبارہ مل کر فرنچائز کی کمان سنبھالیں گے۔۳۰؍ سالہ کھلاڑی نے پنجاب کنگز کی انتظامیہ کا شکریہ ادا کیا۔  
شریس نے کہا ’’میں اس بات پر فخر محسوس کر رہا ہوں کہ ٹیم نے مجھ پر اپنا اعتماد ظاہر کیا ہے۔ میں کوچ پونٹنگ کے ساتھ دوبارہ کام کرنے کیلئے پُرجوش ہوں۔ ٹیم مضبوط نظر آ رہی ہے جس میں قابل اور اچھا مظاہرہ کرنے والے کھلاڑیوں کا شاندار مجموعہ ہے۔ مجھے امید ہے کہ انتظامیہ کے ظاہر کردہ اعتماد کو ہم اپنا پہلا ٹائٹل جیت کر ثابت کریں گے۔‘‘
 ہیڈ کوچ رکی پونٹنگ نے کہا’’شریس کے پاس کھیل کے لئے شاندار ذہن ہے۔ کپتان کے طور پر ان کی ثابت شدہ صلاحیتیں ٹیم کو بہتر مظاہرہ کرنے کے قابل بنائیں گی۔ میں نے آئی پی ایل میں پہلے بھی ایر کے ساتھ اپنا وقت گزارا ہے اور میں ان کے ساتھ دوبارہ کام کرنے کے لئے پرجوش ہوں۔ ان کی قیادت اور ٹیم میں موجود صلاحیت کو دیکھتے ہوئے میں آنے والے سیزن کیلئے بہت خوش ہوں۔‘‘