اسٹار بیڈمنٹن کھلاڑی پی وی سندھو اور لکشیا سین منگل سے یہاں شروع ہونے والے۲۵۰۰۰۰؍ امریکی ڈالر کے سوئس اوپن ٹورنامنٹ میں اپنے فارم کو دوبارہ حاصل کرنے کی کوشش کریں گے۔

اسٹار بیڈمنٹن کھلاڑی پی وی سندھو اور لکشیا سین منگل سے یہاں شروع ہونے والے۲۵۰۰۰۰؍ امریکی ڈالر کے سوئس اوپن ٹورنامنٹ میں اپنے فارم کو دوبارہ حاصل کرنے کی کوشش کریں گے۔ ساتویں سیڈیافتہ دو بار کی اولمپک میڈلسٹ سندھو کا مقابلہ ہندوستان کی دوسری سیڈ مالویکا بنسوڈ سے ہوگا۔ لکشیا ہندوستان کے ایچ ایس پرنئے کے خلاف بھی کھیلیں گے جنہوں نے۲۰۱۶ء میں یہاں خطاب  جیتا تھا۔
  پی وی سندھو جنہوں نے۳؍ سال قبل یہاں خطاب جیتا تھا، گزشتہ ہفتے آل انگلینڈ چمپئن شپ کے پہلے راؤنڈ میں ہار گئی تھیں  تاہم مالویکا نے سنگاپور کی ییو جیا من کو شکست دی تھی۔ لکشیا آل انگلینڈ چمپئن شپ کے کوارٹر فائنل میں پہنچ گئے جبکہ پرنئے پہلے راؤنڈ میں ہی باہر ہو گئے۔ سوئس اوپن میں ہندوستانیوں کا ریکارڈ اچھا ہے اور سندھو  کے سری کانت، پرنئے، سمیر ورما، سائنا نہوال، مردوں کی ڈبلز ٹیم ساتوک سوسائیراج رینکی ریڈی اور چراغ شیٹی کی جوڑی نے یہاں ٹائٹل جیتے ہیں۔
 پیرس اولمپکس کے بعد لکشیا اور پرنئے کے درمیان یہ پہلا میچ ہوگا۔ پیرس اولمپکس میں چوتھے مقام پر رہنے والے لکشیا نے گزشتہ ہفتے انڈونیشیا کے جونی کرسٹی کو شکست دی تھی جبکہ پرنئے، جو چکن گونیا سے صحت یاب ہو کر واپسی کر رہے ہیں، ابتدائی راؤنڈ میں ہی باہر ہو گئے تھے۔
 خواتین کے سنگلز میں آکرشی کشیپ اور انوپما اپادھیائے بھی کھیلیں گی۔ کشیپ کا مقابلہ کوالیفائر سے ہوگا جبکہ اپراجیتا کا مقابلہ ڈنمارک کی لائن ہومارک سے ہوگا۔ رکشیتا سری سنتوش رامراج پہلے راؤنڈ میں ڈنمارک کی لائن کرسٹوفرسن کے خلاف کھیلیں گی۔
 مردوں کے سنگلز میں کرن جارج کا مقابلہ ڈنمارک کے راسمس گیمکے سے ہوگا جبکہ پریانشو راجاوت کا مقابلہ سوئزرلینڈ کے ٹوبیاس کوینزی سے ہوگا۔ خواتین کے ڈبلز میں تریشا جولی اور گایتری گوپی چند کا مقابلہ ایلین مولر اور کیلی وین بوٹین سے ہوگا۔ پریا کے اور شروتی مشرا اور آرتی ساہا اور ورشنی وشواناتھ کی جوڑی بھی اس زمرے میں کھیلیں گی۔سوئس اوپن میں ہندوستانی کھلاڑیوں سے بہتر کھیل کی امید ہے  ۔ سبھی سے خطاب جیتنے کی امید ہے اور ان سبھی نے اس کا عزم بھی ظاہر کیا ہے۔