ہندوستان کی اسٹار بلے باز اسمرتی مندھانا خواتین کی بگ بیش لیگ (ڈبلیو بی بی ایل ) کے اگلے سیزن میں دفاعی چمپئن ایڈیلیڈ اسٹرائیکرس کیلئے کھیلیں گی۔

ہندوستان کی اسٹار بلے باز اسمرتی مندھانا خواتین کی بگ بیش لیگ (ڈبلیو بی بی ایل ) کے اگلے سیزن میں دفاعی چمپئن ایڈیلیڈ اسٹرائیکرس کیلئے کھیلیں گی۔ ہندوستانی اوپننگ بلے باز نے اس سے قبل ۳؍ ڈبلیو بی بی ایل کی ٹیم برسبین ہیٹ، سڈنی تھنڈرس اور ہوبارٹ ہریکینز کی جانب سے ٹورنامنٹ میں شرکت کی ہے۔ وہ سیزن شروع ہونے سے پہلے اسٹرائیکرس میں شامل ہوئیں۔ خواتین کی ٹی ۲۰؍ لیگ کے ضابطے کے مطابق غیرملکی کھلاڑیوں سے نیلامی سے پہلے معاہدہ کیا جاسکتاہے۔ تاہم مندھانا لیگ کے ابتدائی میچوں سے محروم رہیں گی کیونکہ ہندوستان اکتوبر کے آخر میں ۳؍ ون ڈے میچوں کیلئے نیوزی لینڈ کی میزبانی کرنے والا ہے۔ خیال رہے کہ ویمنز بگ بیش لیگ ۲۷؍ اکتوبر سے آسٹریلیا میں کھیلی جائے گی۔