اسپینش فٹ بال لیگ لالیگا پوائنٹس ٹیبل پربارسلونا کی ٹیم  نے رئیل میڈرڈ سے دوبارہ پہلی پوزیشن چھین لی ہے۔ رئیل  میڈرڈ کی ٹیم دوسرے جبکہ ایٹلیٹیکو میڈرڈ کی ٹیم تیسرے نمبرپر چلی گئی ہے۔

اسپینش فٹ بال لیگ لالیگا پوائنٹس ٹیبل پربارسلونا کی ٹیم  نے رئیل میڈرڈ سے دوبارہ پہلی پوزیشن چھین لی ہے۔ رئیل  میڈرڈ کی ٹیم دوسرے جبکہ ایٹلیٹیکو میڈرڈ کی ٹیم تیسرے نمبرپر چلی گئی ہے۔ اسپینش لیگ لالیگا  کے ۹۴؍ ویں سیزن کے انتہائی دلچسپ اور کانٹے کے مقابلوں کا سلسلہ ا سپین میں جاری ہے۔
 اس ایونٹ کو لالیگا ای اے سپورٹس کے نام سے بھی جانا جاتا ہے ۔ا سپینش فٹ بال لیگ لالیگا کے۹۴؍ ویں سیزن کا آغاز ۱۵؍  اگست ۲۰۲۴ء کو ہواجو۲۵؍ مئی ۲۰۲۵ء تک جاری رہے گا۔ رئیل  میڈرڈ دفاعی چمپئن ہے جس نے گزشتہ سیزن  میں  اپنا ۳۶؍ واں ٹائٹل جیتا تھا۔ اب تک کھیلے گئے لیگ میچوں کے بعد بارسلونا کی ٹیم ۱۷؍ میچ جیت کر۵۴؍ پوائنٹس کے ساتھ ٹیبل پر ٹاپ پوزیشن پر قابض ہے۔بارسلونا اپنے آخری پانچ میچوں میں فاتح رہی ہے۔
 دفاعی چمپئن رئیل  میڈرڈ کی ٹیم بھی اب تک ۲۵؍میچ کھیل چکی ہے جن میں اس  نے ۱۶؍ میچ جیتے ہیں۔ اس کے بھی ۵۴؍ پوائنٹس ہیں اورایک درجہ تنزلی کے بعد ٹیبل پر دوسرے نمبر پر چلی گئی ہے۔ایٹلیٹیکو میڈرڈ کی ٹیم کی بھی ایک درجہ تنزلی ہوئی ہے اور وہ۵۳؍پوائنٹس کے ساتھ دوسرے سے تیسرے نمبر پر چلی گئی ہے۔ ایتھلیٹک کلب کی ٹیم بھی۲۵؍ میچ کھیل چکی ہے جن میں سے اس کو۱۳؍میچ میں فتح نصیب ہوئی اوروہ۴۸؍پوائنٹس کے ساتھ ٹیبل پر چوتھے نمبر پر ہے ۔ ویلرئیل کی ٹیم   کے ۴۴؍پوائنٹس ہیں اور وہ پانچویں نمبر پر ہے۔ ریو ویلیکانو کی ٹیم ٹیبل پر چھٹے نمبر پر ہے اور ریو ویلیکانو  کے ۲۵؍ میچوں کے بعد ۳۵؍پوائنٹس ہیں،اسی طرح رئیل  بیٹس اور میلورکا کی ٹیموں کے بھی۳۵؍ ،۳۵؍ مساوی پوائنٹس ہیں اور وہ بالتر تیب ساتویں اور آٹھویں نمبر پر ہیں ۔ رئیل  سوسی ڈیڈ کے ۳۴؍ پوائنٹس ہیں اور وہ ٹیبل پر نویں نمبر پر ہے ۔سیلٹا ویگو کی ٹیم بھی۲۵؍میچ کھیل چکی ہے اور۹؍ فتوحات کے ساتھ ٹیبل پر دسویں نمبر پر ہے۔ رئیل  ویلاڈولڈکی ٹیم نے بھی۲۵؍ میچ کھیلے ہیں جن میں اس کو صرف ۴؍میچوں میں فتح حاصل ہوئی ہے  اور وہ ۱۵؍ پوائنٹس کے ساتھ سب سے نیچے ۲۰؍ویں ویں نمبر پر  ہے۔