ھ ہندوستان کے خلاف ۵؍ میچوں کی ٹیسٹ سیریز میں اننگز کا آغاز نہیں کریں گے۔ 

آسٹریلیائی بلے باز اسٹیو اسمتھ ہندوستان کے خلاف ۵؍ میچوں کی ٹیسٹ سیریز میں اننگز کا آغاز نہیں کریں گے۔ آسٹریلیا کے چیف سلیکٹر جارج بیلی نے کہا کہ اسمتھ نے دوبارہ مڈل آرڈر میں کھیلنے کی خواہش ظاہر کی تھی اور اب کیمرون گرین کے ٹیسٹ سیریز سے باہر ہونے کے بعد اسمتھ ان کی جگہ کھیلیں گے۔ جب آسٹریلیا نے نیوزی لینڈ کے خلاف آخری ٹیسٹ سیریز کھیلی تو اسمتھ کے بحیثیت اوپننگ بلے باز کے اعداد و شمار۸؍ اننگز میں ۲۸ء۵۰؍ کے اوسط سے۱۷۱؍ رن تھے۔ تاہم اسمتھ نے خود جنوری میں کہا تھا کہ وہ بلے بازی کیلئے تیار ہیں اور پھر نمبر۴؍ کا مقام گرین کو دیا گیا لیکن اب ایک بار پھر اسمتھ اپنے پرانے آرڈر میں بیٹنگ کر سکتے ہیں۔ 
  بیلی نے پیر کو کہاکہ’’ہم نے یہ فیصلہ پیٹ کمنس، اسمتھ اور اینڈریو کے ساتھ بات چیت کے بعد کیا ہے۔ اگرچہ ہم گرین کی انجری سے پہلے ہی اس پر غور کر رہے تھے لیکن اب یہ واضح ہو گیا ہے کہ گرین کا نمبر ۴؍اسپاٹ فی الحال خالی ہے۔ تاہم بیلی نے یہ بھی کہا ہے کہ اسمتھ نمبر ۴؍ پر کھیلیں گے یا کسی اور نمبر پر ابھی یہ فیصلہ نہیں کیا گیا ہے۔