اقوام متحدہ کی پناہ گزین ایجنسی نے کہا ہے کہ جنگ زدہ سوڈان میں سیلابی صورتحال کی وجہ سے متعدد علاقوں میں امداد کی رسائی مشکل ہو گئی ہے جہاں سوڈانی پہلے سے ہی قحط اور بھوک کا سامنا کر رہے ہیں۔ ایجنسی کے مطابق سیلاب کی وجہ سے ۱۱؍ ہزارسے زائد افراد متاثر ہیں۔

اقوام متحدہ کی رفیوجی ایجنسی نے کہا کہ جنگ زدہ میں سیلاب زدہ صورت حال کی وجہ سے متعدد علاقوں میں امداد کی رسائی ناممکن ہو گئی ہے جہاں فلسطینی قحط اور بھوک کا سامنا کر رہے ہیں۔ ان علاقوںمیں مشرقی دارفور کا کیمپ بھی شامل ہے جہاں بے گھرسوڈانی باشندوں نے پناہ لی ہوئی ہے۔ جمعہ کو ایجنسی نے اپنے بیان میں کہا ہے کہ تقریباً ۱۱؍ہزار افراد ،جن میں سے زیادہ تر بے گھر ہو چکے ہیں، موسلادھار بارش اور سیلاب سے متاثر ہیں۔ 

یہ بھی پڑھئے: دہلی:اسرائیل کےخلاف مظاہرہ کر رہےانسانی حقوق کے کارکنان حراست میں

اپریل ۲۰۲۳ء میں آر ایس ایف اور سوڈانی فوج کے درمیان جنگ شروع ہونے کے بعدافریقی ملک میں انسانی بحران بڑھ گیا ہے۔ مشرقی دارفور اوردارفور کے مغربی قصبوں میں سب سے زیادہ تباہ کن تشد د یکھنے کو ملا ہے اور بڑے پیمانے پررہائشی بے گھر ہوئے ہیں۔ جولائی میں انٹیگریٹیڈ فوڈ سیکوریٹی فیز کلاسیفکیشن (آئی پی سی) کی جانب سے جاری کی گئی رپورٹ کے مطابق مشرقی دارفور کے کچھ حصے ، خاص طور پر زم زم کیمپ، میں سوڈانی ’’بھوک کی بدترین شکل‘‘ کا سامنا کر رہے ہیں۔ یہ آئی پی سی کی کلاسیفکیشن کے فیز ۵؍ میں شمار ہوتا ہے۔ آئی پی سی کی رپورٹ میں نشاندہی کی گئی ہے کہ اپریل کے نصف سے اب تک سوڈان کے مشرقی دارفورکی راجدھانی الفاشر میں ۳؍ لاکھ ۲۰؍ ہزار افراد بے گھر ہوئے ہیں۔ ۱؍ لاکھ ۵۰؍ ہزارافراد نے مئی میں ضروریات زندگی کی تلاش میں زم زم کیمپ کی جانب نقل مکانی کی تھی۔کچھ ہی ہفتوں میں زم زم کیمپ کی آبادی نصف ملین سے زیادہ ہو گئی ہے۔ 

یہ بھی پڑھئے: جیا بچن اور دھنکر میں گرما گرم بحث، اپوزیشن نے رویے پر سوال اُٹھائے، مواخذہ کی تیاری

خیال رہے کہ سوڈان میں موسلادھار بارش کے نتیجے میں سیلاب میں اضافہ ہو رہا ہے۔ محکمہ موسمیات کے مطابق آنے والے دنوں میں مزید طوفان آنے کے خدشات ہیں۔ سوڈانی مقامی میڈیا نے بدھ کو کہاتھا کہ سوڈان کے مشرقی شہر ابوحماد میں سیلا ب کے نتیجے میں ۱۷؍ افراد ہلاک ہوئے تھے۔ حکام نے اب تک ملک بھر میںمہلوکین کی حقیقی تعداد کا ڈیٹا فراہم نہیں کیا ہے۔ 
سوڈانی ریڈ کریسینٹ کے ساتھ ایمرجنسی ٹیم نے نتیجہ اخذ کیا ہے کہ سیلاب زدہ ابوحماد میں ۳؍ ہزار گھر بہہ گئے ہیں۔ دارفور نیٹ ورک فار ہیومن رائٹس نے بتایا کہ شہر میں گزشتہ ۱۰؍گھنٹوں سے موسلادھار بارش ہو رہی ہے۔گروپ نے اپنے ایکس پوسٹ میں لکھا ہے کہ ’’حالات کو مدنظر رکھتے ہوئے متاثرین کو شیلٹرز اور غذا فراہم کرنے اورسیکڑوں بے گھر افراد ، جنہوں نے جنگی مقامات سے اپنی جان بچا کر شہر میں پناہ لی ہوئی ہے، کی حمایت کیلئے حکومت کی فوری مداخلت کی ضرورت ہے۔ حالات کے مطابق کمیونٹی کی اظہار یکجہتی اور اس قدرتی آفت سے نمٹنے کیلئے فوری امداد کی شدید ضرورت ہے۔