کھو کھو ورلڈ کپ آرگنائزنگ کمیٹی کے چیئرمین سدھانشو متل نے منگل کو کہا کہ۱۳؍ جنوری ۲۰۲۵ء سے ہندوستان اور نیپال کے درمیان میچ سے ٹورنامنٹ کا آغازہوگا۔

کھو کھو ورلڈ کپ آرگنائزنگ کمیٹی کے چیئرمین سدھانشو متل نے منگل کو کہا کہ۱۳؍ جنوری ۲۰۲۵ء سے ہندوستان اور نیپال کے درمیان میچ سے ٹورنامنٹ کا آغازہوگا۔ کھو کھو ورلڈ کپ کا پروگرام منگل کو یہاں جاری کرتے ہوئے متل نے کہا کہ پہلا میچ ہندوستان اور نیپال کے درمیان۱۳؍ جنوری کو اندرا گاندھی انڈور اسٹیڈیم میں شام۷؍ بجے ہوگا۔ ورلڈ کپ کے لیے مردوں اور خواتین کی ٹیموں کو چار چار کیٹیگریز میں تقسیم کیا گیا تھا۔ مردوں کے زمرے کے گروپ اے میں ہندوستان، نیپال، پیرو، برازیل اور بھوٹان شامل ہیں۔ گروپ بی میں جنوبی افریقہ، گھانا، ارجنٹائنا، ہالینڈ اور ایران ہیں۔ گروپ سی میں بنگلہ دیش، سری لنکا، جنوبی کوریا، امریکہ اور پولینڈ جبکہ گروپ ڈی میں انگلینڈ، جرمنی، ملائیشیا، آسٹریلیا اور کینیا شامل ہیں۔ 
 وہیں خواتین کی کیٹیگری کے گروپ اے میں ہندوستان، ایران، ملائیشیا اور جنوبی کوریا ہیں۔ گروپ بی میں انگلینڈ، آسٹریلیا، کینیا، یوگانڈا اور ہالینڈ اور گروپ سی میں نیپال، بھوٹان، سری لنکا، جرمنی اور بنگلہ دیش اور گروپ ڈی میں جنوبی افریقہ، نیوزی لینڈ، پولینڈ، پیرو اور انڈونیشیا کو رکھا گیا ہے۔ انہوں نے بتایا کہ ورلڈ کپ میں خواتین اور مردوں کی کیٹیگریز میں ۲۰؍ ممالک کے درمیان کل۹۰؍ میچ ہوں گے۔ مردوں اور خواتین کی کیٹیگریز کے کوارٹر فائنلز۱۷؍ جنوری کو۱۶؍ ٹیموں کے درمیان ہوں گے۔ مردوں اور خواتین کی کیٹگریز کے سیمی فائنل مقابلے ۱۸؍ جنوری کو کھیلے جائیں گے۔ مردوں اور خواتین کی کیٹگریز کے فائنل ۱۹؍ جنوری کو ہوں گے۔ 
 انہوں نے بتایا کہ لیگ میچوں میں گروپ اے میں ہندوستان اور نیپال کے درمیان مردوں کا میچ۱۳؍ جنوری کو ہوگا۔ ۱۴؍جنوری کو مختلف گروپس میں ہونے والے میچ اس طرح ہیں :- گروپ بی میں مردوں کی جنوبی افریقہ اور گھانا کی ٹیموں کا مقابلہ ہوگا۔ اسی روز گروپ بی میں آسٹریلیا اور انگلینڈ کی خواتین ٹیم کے درمیان میچ صبح کھیلا جائے گا۔ گروپ اے میں پیرو اور بھوٹان کے درمیان مردوں کا میچ ہوگا۔ گروپ ڈی میں پولینڈ اور انڈونیشیا کی خواتین کے درمیان میچ ہوگا۔ گروپ ڈی میں مردوں کی ٹیم ملائیشیا اور کینیا کے درمیان میچ ہو گا جبکہ گروپ ڈی میں جنوبی افریقہ اور پیرو کی خواتین کی ٹیم کے درمیان میچ ہو گا۔ گروپ اے میں ہندوستان اور جنوبی کوریا کی خواتین ٹیمیں مد مقابل ہوں گی۔ گروپ اے میں ہندوستان اور برازیل کی مردوں کی ٹیم کے درمیان مقابلہ ہوگا۔ آسٹریلیا اور یوگنڈا کی خواتین ٹیمیں ۱۵؍ جنوری کو ہونے والے میچ میں گروپ بی میں ہیں۔ گروپ اے میں مقابلہ نیپال اور برازیل کی مینس ٹیم کے درمیان کھیلا جائے گا۔ اس کے علاوہ دیگر مقابلے بھی ہوں گے۔