ٹیم انڈیا آج کے میچ کیلئے بلے بازی اور گیند بازی میں تبدیلیاں کرسکتی ہے۔

ہندوستانی ٹیم بدھ کو سپر اسپورٹ پارک میں کھیلے جانے والے تیسرے ٹی ۲۰؍میچ میں جنوبی افریقہ کے خلاف جیت درج کرکے سیریز میں میزبان ٹیم پر نفسیاتی برتری کے ارادے سے اترے گی۔ 
اگر ہندوستان یہ سیریز جیتنا چاہتا ہے تو اسے عزم کے ساتھ اس میچ میں جیت حاصل کرکے اپنی برتری۱-۲؍کرنی ہوگی۔ اس کے بعد اسے سیریز جیتنے کا موقع ہوگا۔ دوسری جانب جنوبی افریقہ کی نظریں گزشتہ میچ میں ہندوستان کے خلاف تین وکٹوں کی جیت کو برقرار رکھنے پر ہوں گی۔ اس کے ساتھ ساتھ دونوں ٹیمیں موسم پر بھی نظر رکھیں گی۔ محکمہ موسمیات نے جوہانسبرگ میں بارش کی پیش گوئی کی ہے۔ 
خیال کیا جا رہا ہے کہ ہندوستان تیسرے ٹی ٹوینٹی کیلئے بلے بازی اور گیندبازی میں تبدیلیاں کر سکتا ہے۔ ابھیشیک شرما کی جگہ آل راؤنڈر رمندیپ سنگھ کو موقع مل سکتا ہے تو وہیں گیندبازی میں اویس خان کی جگہ یش دیال کوالیون میں جگہ مل سکتی ہے۔ 
جنوبی افریقہ کی حالیہ جیت میں ٹرسٹن اسٹبزنے ایک بار پھر اہم کردار ادا کرنے کے ساتھ ہی ٹیسٹ فارم کو برقرار رکھتے ہو ئے۴۷؍ رنوں کی ناقابل تسخیر اننگ کھیل کر اپنی ٹیم کو جیت دلائی۔ اسٹبز نے ایک ایسے وقت میں جنوبی افریقی ٹیم کو استحکام بخشا تھا جب دوسرے بلے باز اس سیریز میں لے حاصل کرنے کیلئے جدوجہد کر رہے ہیں۔ 
سپرا سپورٹ پارک کی پچ عام طور پر بلے بازوں کیلئے سازگار سمجھی جاتی ہے، ایسے میں ہندوستان کی نظریں ایک بار پھر سنجو سیمسن کی شاندار کارکردگی پر ہوں گی۔ دونوں ٹیمیں اپنی اپنی جیت کا دعویٰ کر رہی ہیں۔ یہ میچ جیتنے والی ٹیم سیریز میں نتائج لانے میں کامیاب ہوگی۔ 
ہندوستانی ٹیم: سوریہ کمار یادو (کپتان)، ابھیشیک شرما، سنجو سیمسن (وکٹ کیپر)، رنکو سنگھ، تلک ورما، جیتیش شرما (وکٹ کیپر)، ہاردک پانڈیا، اکشر پٹیل، رمندیپ سنگھ، ورون چکرورتی، روی بشنوئی، ارشدیپ سنگھ، وجے کمار ویشاک، اویش خان اور یش دیال۔ 
جنوبی افریقہ: ایڈن مارکرم (کپتان)، اوٹنیل بارٹمین، جیرالڈ کوٹزی، ڈونووین فریرا، ریزا ہینڈرکس، مارکو جانسن، ہینرک کلاسن، پیٹرک کروگر، کیشو مہاراج، ڈیوڈ ملر، مہلالی مپونگوانا، نقابا پیٹر، ریان رکیلٹن، اینڈل سملین، لوتھو سیپاملا (تیسرا اور چوتھے میچ) اور ٹرسٹن اسٹبز۔