ترشا جولی اور گایتری گوپی چند کی ہندوستانی جوڑی نے خواتین کے ڈبلز مقابلے میں ڈنمارک-ہالینڈ کی نتاجا اینتھونیسن اور ایلیسا ٹرٹوسینٹو کی جوڑی پر کامیابی حاصل کرکے کنیڈا اوپن کے کوارٹر فائنل میں جگہ بنالی ہے۔

ترشا جولی اور گایتری گوپی چند کی ہندوستانی جوڑی نے خواتین کے ڈبلز مقابلے میں ڈنمارک-ہالینڈ کی نتاجا اینتھونیسن اور ایلیسا ٹرٹوسینٹو کی جوڑی پر کامیابی حاصل کرکے کنیڈا اوپن کے کوارٹر فائنل میں جگہ بنالی ہے۔ جمعرات کو مارکین میکفیل سینٹر میں کھیلے جانے والے میچ میں ہندوستانی جوڑی نے پہلا گیم ہارنے کے بعد شاندار مقابلہ کیا اور۴۸؍ منٹ میں ۲۱۔ ۱۷، ۷۔ ۲۱، ۸۔ ۲۱؍ سے میچ جیت لیا۔ ساتویں سیڈ ترشا اور گایتری کا مقابلہ جمعہ (کنیڈا کے وقت کے مطابق )کو کوارٹر فائنل میں چائنیز تائپے کی سیہ پے شان اورہنگ این تیوج سے ہوگا۔ 
  پریانشو راجاوت، جنہوں نے پہلے راؤنڈ میں ڈنمارک کے شٹلر راسموس گیمکے کو شکست دی، مردوں کے سنگلز میں راؤنڈ آف۱۶؍ کے میچ میں جاپان کے تاکوما اوبیاشی کے خلاف ۱۹۔ ۲۱، ۱۱۔ ۲۱؍سے کامیابی حاصل کی۔ ہندوستانی شٹلر راجاوت کا مقابلہ جمعہ کو ڈنمارک کے اینڈرس اینٹونسن سے ہوگا۔ ہندوستانی خواتین کی سنگلز بیڈمنٹن کھلاڑی انوپما اپادھیائے اور تانیا ہیمنت، مردوں کی ڈبلز جوڑی کرشنا پرساد گارگا اور سائی پرتیک اور مکسڈ ڈبلز کی جوڑی روہن کپور اور روتھویکا گڈے اپنے اپنے میچ ہار گئیں۔ اپادھیائے کو کنیڈا کی مشیل لی نے ۳؍ گیمز میں ۱۴۔ ۲۱، ۲۱۔ ۱۷، ۱۳۔ ۲۱؍ کے اسکور کے ساتھ شکست دے دی۔ ہیمنت تھائی لینڈ کے بوسانان اونگبامرنگفن کے خلاف۱۱۔ ۲۱، ۱۳۔ ۲۱؍کے اسکور سے ہار کر باہر ہو گئے۔ مردوں کے ڈبلز مقابلوں میں کرشنا پرساد گارگا اور سائی پرتیک کو چائنیز تائپے کی جوڑی دار لن بنگ وی اور سو چنگ ہینگ سے۱۹۔ ۲۱، ۲۱۔ ۱۸، ۱۷۔ ۲۱؍ سے شکست ہوئی۔ کپور اور پٹ، دوسرے گیم میں لوٹنے کے باوجود چن چینگ کوان اور ہسو ین-ہوئی کی چینی تائپے کی جوڑی سے ہار گئے۔