پاکستان کے خلاف جاری ۵؍ میچوں کی ٹی۲۰؍ انٹرنیشنل سیریز میں ناٹ آؤٹ برتری حاصل کرنے کے بعد میزبان نیوزی لینڈ نے اگلے ون ڈے میچوں کیلئے اعلان کردہ اسکواڈ میں ۲؍ ان کیپڈ کھلاڑیوں کو شامل کیا ہے۔

نیوزی لینڈ کے سلیکٹرس نے ۳؍ میچوں کی ون ڈے سیریز کیلئے ٹیم کی کپتانی ٹام لاتھم کو سونپی ہے  جبکہ وائٹ بال کپتان مشیل  سینٹنرٹیم میں نہیں ہوں گے۔ ڈومیسٹک ٹیم میں کئی نئے کھلاڑی بھی شامل کئے گئے ہیں۔ نیوزی لینڈ کے فرسٹ کلاس سرکٹ میں ویلنگٹن فائر برڈس کیلئے کھیلنے والے ٹاپ آرڈر بلے باز نک کیلی اور بائیں ہاتھ کے تیز گیند باز محمد عباس کو پہلی بار قومی ٹیم میں جگہ دی گئی ہے۔انڈین پریمیر لیگ (آئی پی ایل) میں کھیلنے والے راچن رویندر، ڈیون کونوے، گلین فلپس اور سینٹنر ٹیم سے باہر ہیں۔ پاکستان کے خلاف چمپئن  ٹرافی کے افتتاحی میچ میں سنچری بنانے والے ول ینگ، کیلی کے ساتھ ٹاپ آرڈر میں شامل ہوں گے۔ جبکہ ڈیرل مشیل، مائیکل بریسویل اور  ناتھن اسمتھ مڈل آرڈر میں کھیلیں گے۔ گیندبازی  کی بات کی جائے  توورک، جیکب ڈفی، نیتھن اسمتھ اور بین سیئرز  تیز گیندبازی اٹیک میں شامل ہوں گے۔ اس دوران جیمیسن کو آرام دیا گیا ہے۔ اسپن ڈپارٹمنٹ میں آل راؤنڈر بریسویل کے ساتھ۲۲؍ سالہ آکلینڈ ایسز لیگ اسپنر آدی اشوک شامل ہوں گے۔ دوسرا  ایک روزہ  میک لین پارک، نیپیئر میں ۲؍اپریل  اور تیسرا۵؍ اپریل کو بے اوول، ماؤنٹ مونگانوئی میں کھیلا جائے گا۔سنیچر کو نیپیئر میں پاکستان کے خلاف پہلے ون ڈے کیلئے نیوزی لینڈ کا اسکواڈ یہ ہے:  ٹام لاتھم (کپتان)، محمد عباس، آدی اشوک، مائیکل بریسویل، مارک چیپ مین، جیکب ڈفی، مچ ہیے، نک کیلی، ڈیرل مشیل، ول اوورکے، بین سیئرز، نیتھن اسمتھ اور ول ینگ۔