۵؍ بار کے عالمی چمپئن میگنس کارلسن کے خلاف اپنی پہلی کلاسک کامیابی حاصل کرنے کے ٹھیک ایک دن بعد ہندوستان کے باصلاحیت گرینڈ ماسٹر آر پراگنانندہ جمعرات کو ناروے شطرنج ۲۰۲۴ء کے چوتھے راؤنڈ میں امریکہ کے ہیکارو ناکامورا سے بازی ہار گئے۔ 

۵؍ بار کے عالمی چمپئن میگنس کارلسن کے خلاف اپنی پہلی کلاسک کامیابی حاصل کرنے کے ٹھیک ایک دن بعد ہندوستان کے باصلاحیت گرینڈ ماسٹر آر پراگنانندہ جمعرات کو ناروے شطرنج ۲۰۲۴ء کے چوتھے راؤنڈ میں امریکہ کے ہیکارو ناکامورا سے بازی ہار گئے۔ 
 ناکامورا نے پراگنانندہ کے خلاف شاندار کارکردگی کا مظاہرہ کیا اور ٹاپ پوزیشن حاصل کرنے والی کامیابی حاصل کی۔ دوسری جانب پراگنانندہ کی بہن ویشالی نے اپنی شاندار کارکردگی کو جاری رکھتے ہوئے مایہ ناز پیا کرملنگ کو شکست دے کر مجموعی طور پر۸ء۵؍ پوائنٹس کی برتری حاصل کر لی۔ 
 ہندوستانی خاتون شطرنج کی گرینڈ ماسٹر ہمپی کو کلاسیکل گیم میں اینا موزیچک کے خلاف راؤنڈ ۴؍ میں شکست کا سامنا کرنا پڑا۔ ناروے شطرنج خواتین کے ٹورنامنٹ کے ایک اور سنسنی خیز گیم میں زو وینجن نے ٹورنامنٹ کے چوتھے آرماگیڈن ٹائی بریک میں اپنی ہم وطن لی ٹینگجی کو شکست دی۔ مقامی ہیرو کارلسن نے ناروے شطرنج کے مین ایونٹ میں فیبانو کاروآنا کے خلاف ایک مختصر فتح کے ساتھ ۳؍ پوائنٹس حاصل کئے۔ کاروآنا کے پاس کارلسن کے ساتھ درجہ بندی کے فرق کو صرف ۴؍ پوائنٹس تک کم کرنے کا سنہری موقع تھا، لیکن شروع میں پرسکون رہنے والے گیم نے اختتام کی طرف ڈرامائی موڑ لیا۔ کارلسن نے ایک چھوٹاسا فائدہ اٹھایا اور آخر کار جیت گئے جب کاروانا نے اپنی گھڑی میں صرف سیکنڈ باقی رہ کر غلطی کی۔