بائرن میونخ نے بلجیم کے سابق فٹبالر ونسنٹ کومپنی کو اپنا نیا ہیڈ کوچ مقرر کیا ہے۔ کلب نے گزشتہ روز اپنی سرکاری ویب سائٹ کے ذریعہ اس کی تصدیق کی۔ 

بائرن میونخ نے بلجیم کے سابق فٹبالر ونسنٹ کومپنی کو اپنا نیا ہیڈ کوچ مقرر کیا ہے۔ کلب نے گزشتہ روز اپنی سرکاری ویب سائٹ کے ذریعہ اس کی تصدیق کی۔ 
  بائرن میونخ کلب نے اپنی آفیشل ویب سائٹ کے ذریعے کہا کہ ۳۸؍سالہ سابق فٹبالر کومپنی جون ۲۰۲۷ءتک ۳؍ سال کے لئے بائرن میونخ سے منسلک رہیں گے۔ بائرن نے کہا کہ کومپنی نے ۳؍ سال کا معاہدہ کیا ہے۔ 
  بائرن کے صدر جان کرسچن ڈریسن نے کہاکہ ’’کلب میں ہم سب اس بات پر متفق ہیں کہ ونسنٹ کومپنی ایف سی بائرن کے لئے بہترین کوچ ہیں اور ہم ان کے ساتھ کام کرنے کے لئے بے حد منتظر ہیں۔ میکس ایبرل اور کرسٹوف فرونڈ نے کبھی ہمت نہیں ہاری اور انہیں ایک ایسا کوچ ملا ہے جو بائرن کو زیادہ کامیابی کی طرف لے جا سکتا ہے۔ کومپنی بالکل اسی قسم کے اتحاد اور ٹیم کے جذبے کی نمائندگی کرتے ہیں جس کی ہمیں ضرورت ہے۔ 
 جرمن بولنے والے کومپنی ۲۰۰۶ء سے ۲۰۰۸ءتک ہیمبرگ ایس وی کے لئے کھیلیں۔ بنڈس لیگا میں ۲؍ سال تک کھیلا۔ سابق بلجیم انٹرنیشنل نے مانچسٹر سٹی کے لئے۱۱؍ سال تک فٹبال کھیلا، جہاں انہوں نے اسکائی بلیوز کے ساتھ کل ۱۰؍خطابات بھی جیتے۔ 
اس موقع پرکومپنی نے کہاکہ ’’میں بائرن کے ساتھ آنے والے چیلنج کا سامنا کرنے کے لئے پوری طرح تیار ہوں۔ اس کلب کے کھلاڑیوں کے ہیڈ کوچ کے طور پر کام کرنا میرے لیے بڑے اعزاز کی بات ہے۔ بائیرن بین الاقوامی فٹ بال کا ایک ادارہ ہے۔ میں اب سب سے بنیادی چیزوں کو بہتر بنانے کے ساتھ کام کر رہا ہوں۔ کھلاڑیوں میں ہم آہنگی بڑھائیں گے اور کھلاڑیوں کو ٹیم اسپرٹ کے ساتھ کھیلنے کے لئے تیار کریں گے۔ ایک بار جب ٹیم بہتر ہو جاتی ہے یا ٹیم کی بنیاد بن جاتی ہے تو کامیابی خود بخود آگے بڑھ جاتی ہے۔ 
 مانچسٹر سٹی میں کومپنی کے پرانے کوچ پیپ گارڈیولا نے گزشتہ سال کومپنی کی کوچنگ کی مہارت کی تعریف کی اور کہا کہ سابق سینٹر بیک ایک دن سٹی کو سنبھال لیں گے۔ گارڈیوولا کو بائرن میں پیار سے یاد کیا جاتا ہے، جہاں وہ ۲۰۱۳ء سے ۲۰۱۶ء تک کوچ رہے۔ اس کے بعد سے کوئی بھی کوچ بائرن میں ۲؍مکمل سیزن تک نہیں ٹک پایا۔