کرسٹیانو رونالڈو کے گول کی بدولت النصر نے متحدہ عرب امارات کے کلب اور دفاعی چمپئن العین کو۱۔۵؍گول سے ہرا کر اے ایف سی چمپئن لیگ فٹبال مقابلے کے ایلیٹ سیکشن میں ۱۲؍ٹیموں کے ٹیبل پر ٹاپ ۳؍ میں جگہ بنا لی۔

کرسٹیانو رونالڈو کے گول کی بدولت النصر نے متحدہ عرب امارات کے کلب اور دفاعی چمپئن  العین کو۱۔۵؍گول  سے ہرا کر اے ایف سی چمپئن  لیگ فٹبال مقابلے کے ایلیٹ سیکشن میں  ۱۲؍ٹیموں کے ٹیبل پر  ٹاپ ۳؍ میں جگہ بنا لی۔
 سعودی  کے کلب النصر کے ۴؍ میچوں میں۱۰؍ پوائنٹس ہیں اور وہ مقامی حریف الہلال اور الاہلی  سے ۲؍ پوائنٹس پیچھے ہے۔ یہ دونوں اب تک اپنے چاروں میچ جیت چکے ہیں۔ کھیل شروع ہونے کے صرف ۵؍ منٹ بعد ہی اینڈرسن ٹالیسکا نے النصر کے لئے  پہلا گول کیا۔ اس کے بعد رونالڈو نے اس سیزن میں مقابلہ میں اپنا دوسرا گول آدھے گھنٹے کے فرق  کے بعد کیا۔فابیو کارڈوسو کے خودکش گول نے ہاف ٹائم میں سعودی عرب کے کلب کو۰۔۳؍ کی برتری دلا دی۔ دوسرے ہاف میں النصر کی جانب سے ویزلی اور ٹالیسکا نے گول کئے۔ دریں اثنا، جاپان کے ویسل کوبی نے جنوبی کوریا کے گوانگزو ایف سی کو۰۔۲؍گول  سے شکست دے کر اپنے گروپ میں پہلی پوزیشن حاصل کی۔ ملائیشیا کا جوہر دارالتعظیم دو مرتبہ کے  چمپئن  جنوبی کوریا کے السان ایچ ڈی کو ۰۔۳؍گول سے شکست دے کر تیسرے نمبر پر چلا گیا۔