جارجیا وال سنچری بنانے سے محروم۔ ۹۹؍رن پر آؤٹ۔ یوپی کی ٹیم نے بنگلور کو ۱۲؍رن سے ہراکر ٹورنامنٹ سے باہر کردیا

جارجیا وال (ناٹ آؤٹ ۹۹؍رن ) بھلے ہی اپنی سنچری سے محروم رہیں لیکن ان کی شاندار اننگز کی بدولت یوپی واریئرس نے ویمنز پریمیر لیگ (ڈبلیو پی ایل) کے ایک میچ میں نہ صرف لیگ کی تاریخ کا سب سے بڑا اسکور بنایا بلکہ بنگلور رائل  چیلنجرز کو آل آؤٹ کرکے  ۱۲؍ رن سے سنسنی خیز کامیابی بھی حاصل کی۔
یوپی واریئرس نے پہلے کھیلتے ہوئے ۵؍ وکٹ پر۲۲۵؍ رن بنائے جس کے جواب میں رائل چیلنجرز کی پوری ٹیم۱۹ء۳؍ اوورس میں۲۱۳؍ رن تک محدود ہو گئی۔ واریئرس  کے بڑے اسکور کا تعاقب کرتے ہوئے چیلنجرز نے شروع سے ہی جارحانہ انداز اپنایا تاہم رن ریٹ بڑھانے کی کوشش میں ان کے ۵؍ ٹاپ کھلاڑی۱۱؍ اوورس میں۱۰۷؍ رن بنانے کے بعد پویلین لوٹ گئے جس کی وجہ سے  واریئرس  کی آسان فتح کی قیاس آرائیاں کی جارہی تھیں تاہم وکٹ کیپر نے ۶؍ وکٹ کی مدد سے ۶؍ وکٹوں کے نقصان پر۶؍ کھلاڑیوں کو آؤٹ کیا  جبکہ   اسنیہ رانا نے صرف ۶؍ گیندوں پر۳؍ رن بنائے۔ چھکوں اور دو چوکوں کی مدد سے۲۶؍ رن بنا کر میچ کو اپنے حق میں کرنے کی بھرپور کوشش کی لیکن بالآخر فتح میزبان کے حصے میں آئی۔ 
اس سے قبل  یوپی واریئرس کے بلے بازوں نے، جو تقریباً پلے آف کی دوڑ سے باہر ہو چکے تھے، سنیچر کو اپنے ہوم گراؤنڈ ایکانا اسٹیڈیم میں شاندار بلے بازی کی۔ وال کو آخری گیند پر اپنی سنچری مکمل کرنے کیلئے  ۲؍ رن درکار تھے لیکن وہ صرف ایک رن  نہ بنا سکیں اور ڈبلیو پی ایل کی تاریخ کی پہلی سنچری  بنتی رہ گئی  اور اب اسمرتی مندھانا کی رائل چیلنجرز بنگلور کو جیتنے کیلئے  ۲۲۶؍ رن کا تعاقب کرنا ہوگا جو ان کیلئے  ایک مشکل چیلنج ہے لیکن یہ چیلنج ڈبلیو پی ایل میں جوش و خروش لانے کیلئے کافی ہے۔ یکے بعد دیگرے ۳؍ شکست کے بعد پریشان یوپی واریئرس کا رویہ   بدلا ہوا دکھائی دیا۔ گریس ہیرس (۳۹؍رن) اور وال کی جوڑی نے پہلے ۷؍ اوورس میں۱۱؍ رن فی اوور کی شرح سے اسکور بورڈ پر۷۷؍ رن بنائے تھے۔ حارث نے جارحانہ انداز میں۷؍ چوکے اور ایک چھکا لگایا لیکن وہ بدقسمتی سے رن آؤٹ ہو گئیں۔ ان کے آؤٹ ہونے کے باوجود یوپی کی رفتار رکی نہیں جب نئے بلے باز کرن نوگیرے نے صرف۱۶؍ گیندوں پر ۴۶؍ رن بنائے جس میں۲؍ چوکے اور ۵؍ آسمانی چھکے شامل تھے۔ 
نوگیرے نامی طوفان کا خاتمہ جارجیا ویرہم نے کیا۔ ویرہم کا اگلا شکار۱۹؍ سالہ شینیل ہنری تھا۔ اس دوران دوسرے کنارے پر چیلنجرز کے گیند باز وال کی رفتار پر قابو پانے میں ناکام رہے اور یوپی واریئرس اپنے بہترین اسکور کی جانب بلا روک ٹوک آگے بڑھتے رہے۔۵۶؍ گیندوں کی اپنی ناٹ آؤٹ اننگز میں وال نے۱۷؍ بار گیند کو باؤنڈری لائن کے پار پہنچایا اور اس دوران انہوں نے ایک فلک بوس چھکا بھی لگایا۔