چند دنوں میں  چمپئن  ٹرافی کا بخار عالمی کرکٹ کو اپنی لپیٹ میں لینے والا ہے۔ اس میگا ایونٹ سے عین قبل خواتین کرکٹ کی سب سے بڑی ٹی ۲۰؍ لیگ ویمنز پریمیر لیگ شروع ہونے والی ہے۔

 چند دنوں میں  چمپئن  ٹرافی کا بخار عالمی کرکٹ کو اپنی لپیٹ میں لینے والا ہے۔ اس میگا ایونٹ سے عین قبل خواتین کرکٹ کی سب سے بڑی ٹی ۲۰؍ لیگ ویمنز پریمیر لیگ شروع ہونے والی ہے۔ ڈبلیو پی ایل کا تیسرا ایڈیشن۱۴؍ فروری سے  شروع ہوگا۔

میگ لیننگ (دہلی کیپٹلس) : آسٹریلیا کی تجربہ کار میگ لیننگ نے ڈبلیو پی ایل کی اب تک کی تاریخ میں شاندار کارکردگی کا مظاہرہ کیا ہے۔ کینگرو کھلاڑی نے ۱۸؍ میچوں کی ۱۸؍ اننگز میں۴۲ء۲۵؍ کے اوسط سے۶۷۶؍ رن بنائے ہیں۔

ایلیس پیری(آر سی بی): آسٹریلیا کی اسٹار آل راؤنڈر ایلیس پیری نے لیگ میں ۱۷؍ میچوں کی۱۷؍اننگز میں۵۴ء۵۴؍کے عمدہ اوسط سے۶۰۰؍ رن بنائے ہیں۔

شیفالی ورما (دہلی کیپٹلس): ٹیم انڈیا کی اسٹار بلے باز شفالی ورما نے ۱۸؍ میچوں کی۱۸؍ اننگز میں۱۶۸ء۴۶؍ کے اسٹرائیک ریٹ سے۵۶۱؍ رن بنائے ہیں۔

ہرمن پریت کور (ممبئی انڈینس): ممبئی انڈینس کی کپتان ہرمن پریت کور نے اب تک ۲؍ سیزن میں۱۷؍ میچوں کی۱۶؍ اننگز میں ۵۴۹؍ رن بنائے ہیں۔ 

 نیٹ سیوار برنٹ (ممبئی انڈینس): تجربہ کار آل راؤنڈر نیٹ سیواربرنٹ نے لیگ کے پہلے ۲؍ سیزن میں۱۹؍ میچوں کی۱۹؍ اننگز میں۳۶؍ کے اوسط سے۵۰۴؍ رن بنائے ہیں۔