اکشے کمارکی اداکاری سے مزین فلم بھوت بنگلہ ۲؍ اپریل ۲۰۲۶ء کو ریلیز ہوگی۔ اس فلم کے ذریعے اکشے کمار اور پریا درشن نے ۱۴؍سال بعد ایک ساتھ کام کیا ہے۔ فلم سازوں نے انسٹاگرام پرفلم کا پوسٹر جاری کرتے ہوئے اعلان کیا ہے کہ فلم کی شوٹنگ شروع ہوچکی ہے۔

بھوت بنگلہ ،جس کے ذریعے اکشے کمار اور پریا درشن ۱۴؍ سال بعد ایک ساتھ کام کر رہے ہیں، ۲؍ اپریل ۲۰۲۶ء کو ریلیز ہوگی۔ بالاجی موشن پکچرز نے فلم کا پوسٹر جاری کرتے ہوئے یہ اعلان کیا ہے۔ فلم سازوں نے انسٹاگرام پر فلم کا پوسٹر جاری کیا ہے اور اعلان کیا ہے کہ فلم کی شوٹنگ کا آغاز ہوچکا ہے۔

Bhoot Bangla ....#AkshayKumar#Priyadarshan#BhoothBangla pic.twitter.com/F0tdNsACkA

— Sudesh Kachnariya (@sudeshpalsahab) December 10, 2024

پوسٹر کے نیچے فلم سازوں نے کیپشن میں لکھا ہے کہ ’’بھوت بنگلہ ۲؍ اپریل ۲۰۲۶ء کو ریلیز ہوگی۔‘‘پوسٹر میں اکشے کمار کو سفید کپڑوں میں نیلے کوٹ کے ساتھ دیکھا جاسکتا ہے۔ یاد رہے کہ شوبھا کپور اور ایکتا کپور نے بھوت بنگلہ کوبالاجی موشن پکچرز اور کیپ آف گوڈ فلمز کے بینر تلے پروڈیوس کیا ہے۔فرح شیخ اور ویدانت وکاس بالاجی نے اس کے شریک پروڈیوسر ہیں۔

یہ بھی پڑھئے: پاپ اسٹار ایڈ شیران اگلے سال ہندوستان کے دورے پر آئیں گے

یاد رہے کہ روہن شنکر، ابھیلاش نائر اور پریا درشن نے بھوت بنگلہ کا اسکرین پلے لکھا ہے۔ اکشے کمار اورپریا درشن نے ایک ساتھ کئی فلموں میں کام کیا ہے جن میں بھول بھلیاں (۲۰۰۷ء)، بھاگم بھاگ (۲۰۰۶ء)، پھیری (۲۰۰۰ء)، دے دانا دے (۲۰۰۹ء )اور کٹھا میٹھا (۲۰۱۰ء )شامل ہیں۔ اکشے کمار ’’اسکائے فورس‘‘ میں بھی نظر آئیں گے۔ اسکائے فورس میں اکشے کمار کے ساتھ نمرت کور اور سارا علی خان نظر آئیں گے۔